विराटनगर– सुनसरीको देवानगञ्ज गाउँपालिका–१ मा गोली प्रहार गरेको आरोपमा प्रहरीले दुई जनालाई पक्राउ गरेको छ। शनिबार बेलुका भएको गोली प्रहारबाट स्थानीय निरज यादव घाइते भएका छन्।
प्रहरीका अनुसार यादवको तिघ्रामा गोली लागेको छ। घाइते उनको विराटनगरस्थित नोबेल शिक्षण अस्पतालमा उपचार भइरहेको छ।
जिल्ला प्रहरी कार्यालय सुनसरीका प्रवक्ता डीएसपी चन्द्र खड्काले गोली प्रहारको घटना पुष्टि गर्दै घटनाबारे विस्तृत विवरण आउन बाँकी रहेको बताए। उनका अनुसार घटनालगत्तै क्षेत्रमा प्रहरी परिचालन गरिएको छ।
गोली चलाउने समूहको पहिचान खुलाउने तथा घटनाको कारणबारे प्रहरीले अनुसन्धान गरिरहेको छ। पक्राउ परेका दुई जनाको पहिचान र अन्य विवरण भने प्रहरीले सार्वजनिक गरेको छैन।
गोली चलेपछि देवानगञ्ज क्षेत्रमा स्थानीयवासी आक्रोशित भएका छन्। थप अप्रिय घटना हुन नदिन प्रहरीले क्षेत्रमा उच्च सतर्कता अपनाएको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
