काठमाडाैं– शिक्षा, विज्ञान तथा प्रविधि मन्त्रालयका सचिव खगराज बरालले सार्वजनिक विद्यालयमा अभिभावकले बालबालिकाको प्रारम्भिक शिक्षा प्रणालीमा चासो नदेखिएको बताएका छन्।
_x000D_
_x000D_
स्थानीय तहमा प्रारम्भिक बालविकासका लागि स्रोत पुस्तिका विमोचन तथा वितरण कार्यक्रम सचिव बरालले निजी विद्यालयमा जस्तो नर्सरी कक्षा नभएका कारण सार्वजनिक विद्यालयमा एक कक्षामा भर्ना हुने विद्यार्थीको अभाव खड्किएको बताए।
_x000D_
_x000D_
सार्वजनिक विद्यालयमा विद्यार्थीको संख्या बढाउने हो भने प्रारम्भिक बाल शिक्षाको समय एक वर्षले मात्र नपुग्ने सचिव बरालको तर्क छ। सचिव बरालले ‘स्थानीय तहमा प्रारम्भिक बालविकासका लागि स्रोत पुस्तिका’ले पढाउनेभन्दा सिकाउने तरिकामा सहयोग पुग्ने विश्वास व्यक्त गरे।
_x000D_
_x000D_
यस्तै, शिक्षा तथा मानव स्रोत विकास केन्द्रका सहसचिव दिपक शर्माले स्थानीय तहमा प्रारम्भिक बालविकास केन्द्रहरुको गुणस्तर र व्यवस्थापनमा सुधार गर्ने एजेण्डासमेतलाई ध्यानमा राखेर स्रोत पुस्तिका तयार पारिएको बताए।
_x000D_
_x000D_
सहसचिव शर्माले स्रोत पुस्तिकाले स्थानीय सरकार सञ्चालन ऐनले निर्दिष्ट गरेका प्रारम्भिक बालविकास सम्बन्धि काम, कर्तव्य सम्पादन गर्न सहजीकरण गर्ने विश्वास व्यक्त गरे। साथै, सहसचिव शर्माले यस स्रोत पुस्तिकाले सामुदायिक विद्यालय सुधारका लागि सार्वजनिक गरिएको नीति तथा कार्यक्रम कार्यान्वयनमा समेत सहयोग पुग्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1668178073.jpg)
