महोत्तरी– महोत्तरीको सोनमा गाउँपालिका-६ मगरथानाबाट सशस्त्र प्रहरीले करिब २ करोड ४० लाख रुपैयाँ बराबरको एप्पल कम्पनीका स्मार्टवाच (एप्पल वाच) बरामद गरेको छ ।
भदौ २० गते बिहान सशस्त्र प्रहरीको टोलीले भारतबाट अवैध रूपमा नेपालतर्फ ल्याउँदै गरिएको एप्पल वाच बरामद गरेको हो ।
सशस्त्र प्रहरी बल नेपाल नम्बर ९ गण महोत्तरीबाट सशस्त्र प्रहरी निरीक्षक राजेन्द्रबहादुर कार्की, सीमा सुरक्षा गुल्म रघुनाथपुरबाट सशस्त्र प्रहरी नायब उपरीक्षक गणेशदत्त पाण्डे तथा बोर्डर आउट पोस्ट खैरवनीबाट सशस्त्र प्रहरी निरीक्षक कृष्ण गिरीको टोलीले उक्त सामान बरामद गरेको जनाएको छ ।
प्रहरीका अनुसार बरामद सामानमा एप्पल वाचका करिब १२ सय थान रहेका छन् । ती स्मार्टवाच भारतबाट अवैध रूपमा नेपाल भित्र्याइएको प्रारम्भिक अनुसन्धानबाट खुलेको जनाइएको छ ।
एप्पल वाच ल्याउने व्यक्ति भने सशस्त्र प्रहरीको गस्ती टोलीलाई देखेपछि सामान छाडेर फरार भएका थिए । फरार व्यक्तिको खोजी भइरहेको प्रहरीले जनाएको छ ।
बरामद एप्पल वाच आवश्यक कानुनी कारबाहीका लागि सम्बन्धित निकायमा बुझाउने प्रक्रियामा रहेको सशस्त्र प्रहरीका नायब महानिरीक्षक तथा प्रवक्ता नेत्रबहादुर कार्कीले जानकारी दिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
