काठमाडौं- जापानी प्रधानमन्त्री सिन्जो आबे तीन दिने भ्रमणका क्रममा चीनको राजधानी बेजिङ पुगेका छन्। आबेको चीन भ्रमणलाई चीन-जापानबीचको सम्बन्ध सुधारका लागि दुई देशले गरेको प्रयासका रुपमा हेरिएको छ।
_x000D_
_x000D_
अमेरिकी राष्ट्रपति डोनाल्ड ट्रम्पले अख्तियार गरेको संरक्षणवादी र अमेरिका पहिलो नीतिले विश्व अर्थतन्त्रमा नकारात्मक असर पुर्याएको अवस्थामा विश्व अर्थतन्त्रमा ठूलो प्रभाव राख्ने चीन र जापानका राष्ट्र प्रमुख र सरकार प्रमुखबीचको भेटलाई निकै अर्थपूर्ण रुपमा हेरिएको छ।
_x000D_
_x000D_
पछिल्ला केही वर्षयता चीन र जापानबीच दक्षिण चीन सागरको विषयमा विवाद उत्पन्न भएको पृष्ठभूमिमा चिनियाँ राष्ट्रपति सि जिङफिङ र जापानी प्रधानमन्त्री आबेको भेटले विग्रिएको सम्बन्धलाई सकारात्मक दिशा दिन अपेक्षा गरिएको छ।
_x000D_
_x000D_
दोस्रो विश्व युद्धमा अपमानजनक हार व्यहोरे यता जापान अमेरिकाको एक भरपर्दो सहयोगीका रुपमा रहेको छ। २१ औँ शताब्दीको शुरुवाती चरणसम्म पनि विश्वको दोस्रो ठूलो अर्थतन्त्रका रुपमा रहेको जापानमा अझै पनि अमेरिकी ३० हजार बराबरको सेना रहेको छन्। चीनसँगको सुरक्षा सन्तुलन कायम गर्न अमेरिकाले जापानमा अझै पनि सेना तैनाथ गरेको विश्वास गरिन्छ भने हालसम्म पनि अमेरिकी सेना तैनाथ गर्न दिएकोमा अन्र्तराष्ट्रिय गजतमा नै जापानको आलोचना हुने गरेको छ।
_x000D_
_x000D_
चिनियाँ राष्ट्रपति सिको महत्वाकांक्षी योजना बीआरआईमा पनि जापान सहभागी भएको छैन भने जापानले यो परियोजनाको आलोचना गर्ने गरेको छ। अमेरिकी तत्कालिन रागट्रपति बाराक ओबामाको प्रशासनले चीनको बढ्दो प्रभावलाई नियन्त्रण गर्न अख्तियार गरेको ट्रान्स प्यासफिक पार्टनरशीपको एक महत्वपूर्ण हिस्सेदार समेत रहेको जापान ट्रम्प प्रशासनले उक्त समुह परित्याग गरेपछि नेतृत्व गर्दै आएको छ।
_x000D_
_x000D_
वर्तमान समयमा ट्रम्प प्रशासनको ढल्मुले खालको विदेश नीतिले उसका सहयोगी देशहरुलाई आगामी दिनमा कस्तो नीति लिने अल्मल भई रहेका बेला आबे बेजिङ प्रस्थान गरेका हुन्। चीन विश्व शक्ति भन्ने होडमा अघि बढ्दै गर्दा केही वर्ष अघिसम्म पनि एसियाको नेतृत्व गर्दै गरेको जापानले त्यसमा खतरा महशुस गर्नु स्वाभाविक रहेको अन्र्तराष्ट्रिय मामिलाका जानकारहरु बताउँछन्। अमेरिका, जापानर अस्ट्रेलिया र भारत सम्मेलित चान देशहरुले चीनको एसियन प्यासफिक र विश्व राजनीतिमा बढ्दै गरेको प्रभाव नियन्त्रणमा लिन संयन्त्र नै बनाएका छन्।
_x000D_
_x000D_
यस्तो अवस्थामा आबे चीन प्रस्थान गर्नु र चीन भ्रमणका दौरान उनले चिनियाँ समकक्षीसँग कस्तो खालको सहमति गर्छन् भन्ने विषय अन्र्तराष्ट्रिय राजनीतिमा चासोको विषय हुनेछ।
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762685028.png)
-1758539596-1762682671.jpeg)
