काठमाडौं– नेपाल विद्युत् प्राधिकरणले मर्स्याङ्दी करिडोर विद्युत् प्रसारण लाइन निर्माणका लागि ठेकेदार छनोटको प्रक्रिया सुरु गरेको छ।
_x000D_
_x000D_
मर्स्याङ्दी तथा त्यसका सहायक नदीमा निर्माणमा रहेका र निर्माणमा जाने तयारीका आयोजनाबाट उत्पादित विद्युत् प्रसारणका लागि उक्त प्रसारण लाइन निर्माण गर्न लागिएको हो।
_x000D_
_x000D_
सो करिडोरमा १ हजार ६ सय मेगावाट क्षमताका आयोजना निर्माण क्रममा छन्। प्राधिकरणका कार्यकारी निर्देशक कुलमान घिसिङले लमजुङको दोर्दी तथा न्यादी खोलामा निर्माणाधीन आयोजना सम्पन्न हुन कम्तीमा २ वर्ष लाग्ने देखिएको र त्यस अवधिमा प्राधिकरणले सब स्टेसन तथा प्रसारण लाइन बनाइसक्ने प्रतिबद्धता यसअघि नै जनाइसकेका छन्।
_x000D_
_x000D_
उनले केही महिनाअघि प्रसारण लाइन तथा त्यस भेगमा निजी क्षेत्रले निर्माण गरिरहेका जलविद्युत् आयोजनाको स्थलगत निरीक्षण गरी प्रसारण लाइन निर्माण प्रक्रिया सुरु भएको बताएका थिए।
_x000D_
_x000D_
कार्यकारी निर्देशक घिसिङले मर्स्याङ्दी करिडोर प्रसारण लाइन निर्माणलाई उच्च प्राथमिकतामा राखेको बताए।
_x000D_
_x000D_
मर्स्याङ्दी करिडोरअन्तर्गतको लमजुङको उदिपुर र चितवनको भरतपुरमा २२०/१३२/३३ केभी क्षमताको सबस्टेसन बनाउन ठेकेदार छनोटको प्रक्रिया अन्तिम चरणमा पुगेको छ।
_x000D_
_x000D_
प्रतिस्पर्धामा रहेका कम्पनीको प्राविधिक प्रस्ताव मूल्यांकन गरी सारभूतरुपमा प्रभावग्राही कम्पनीको आर्थिक प्रस्ताव खोलिसकिएको छ।
_x000D_
_x000D_
अहिले सबैभन्दा कम रकम कबोल गर्ने कम्पनीको प्रस्ताव मूल्यांकनको चरणमा रहेको आयोजनाले जनाएको छ।
_x000D_
_x000D_
प्राधिकरणले करिडोरको पहिलो खण्डमा पर्ने मनाङ (धारापानी)–खुदी–उदीपुर (लमजुङ) प्रसारण लाइन तथा सबस्टेसन निर्माणका लागि ठेकेदार छनोटका लागि ठेक्का सार्वजनिक गरेको छ।
_x000D_
_x000D_
प्राधिकरणले मनाङको धारापानी र लमजुङको खुदी तथा उदिपुरमा पनि २२०/१३२/३३ केभीको सबस्टेसन निर्माण गर्नेछ। इच्छुक कम्पनीलाई आवेदन दिन १८ मंसिरसम्मको समयसीमा दिइएको आयोजनाले जनाएको छ।
_x000D_
_x000D_
छनोट भएको कम्पनीले तीन वटा सबस्टेसन र धारापानी–उदिपुर करिब ४६ किलोमिटर प्रसारण लाइनको निर्माण गर्नेछ।
_x000D_
_x000D_
उदिपुर–भरतपुर खण्डमा पर्ने करिब ६४ किलोमिटर प्रसारण लाइन निर्माण गर्न ठेकेदार छनोट गरी काम सुरु भइसकेको छ।
_x000D_
_x000D_
युरोपेली लगानी बैंकको सहुलियतपूर्ण ऋणमा मस्र्याङ्दी करिडोर प्रसारण लाइनको निर्माण गर्न लागिएको हो।
_x000D_
_x000D_
आयोजनाको अनुमानित लागत ९ अर्ब रहेको छ। यसको निर्माण आर्थिक वर्ष २०७८/७९ मा सक्ने लक्ष्य छ। स्थानीयवासीले प्रसारण लाइन परिवर्तन गर्नुपर्ने माग राख्दै खुदी–उदीपुर खण्डमा पर्ने केही क्षेत्रमा विरोध गरिरहेका छन्।
_x000D_
_x000D_
उनीहरुको मागलाई सम्बोधन गर्ने प्रयास भइरहेको छ।
_x000D_
_x000D_
दोर्दी खोलामा निर्माण भइरहेका आयोजनाको विद्युत् जोड्न ११ किलोमिटर स्थानीय कीर्तिपुर–उदिपुर १३२ केभी ‘डबल सर्किट’ प्रसारण लाइन बनाउन ठेक्का सम्झौता भई निर्माण सुरु भइसकेको छ।
_x000D_
_x000D_
उदिपुरमा सबस्टेसन निर्माण गर्न ठेकेदार छनोट अन्तिम चरणमा पुगेकाले दोर्दी करिडोरमा निर्माण भइरहेका जलविद्युत् आयोजनाको विद्युत् खेर नजाने अवस्था देखिएको छ।
_x000D_
_x000D_
उदीपुरमा सब स्टेसन र उदिपुर–मार्किचोक (तनहुँ) प्रसारण लाइन निर्माण भएमा दोर्दी करिडोरमा निर्माण भएका आयोजनाको विद्युत् प्रसारण प्रणालीमा जोड्न समस्या नहुने प्राधिकरणको भनाइ छ।
_x000D_
_x000D_
कार्यकारी निर्देशक घिसिङले आयोजनाको एक युनिट विद्युत् पनि खेर जान नदिने र त्यसका लागि हरसम्भव सबै प्रयास गर्ने बताए।
_x000D_
_x000D_
सो प्रसारण लाइनमा २७ मेगावाटको दोर्दीखोला, लिबर्टी इनर्जीको २५ मेगावाटको माथिल्लो दोर्दी ए, पिपल्स हाइड्रोपावरको ४९ मेगावाटको सुपर दोर्दी ख लगायतका जलविद्युत् आयोजनाको विद्युत् जोडिनेछ।
_x000D_
_x000D_
उदिपुर–मार्किचोक (तनहुँ)–भरतपुर प्रसारण लाइन निर्माणका लागि ठेकेदार छनोट भई काम सुरु भइसकेको छ।
_x000D_
_x000D_
मार्किचोक र काठमाडौंको मातातीर्थमा सबस्टेसन निर्माण भइरहेको छ। मस्र्याङदी करिडोर प्रसारण लाइनबाट प्रवाह भएको विद्युत् मार्किचोकबाट मस्र्याङ्दी र काठमाडौं आउनेछ। मार्किचोक–काठमाडौं २ सय २० केभी प्रसारण लाइनको निर्माण धमाधम भइरहेको छ।
_x000D_
_x000D_
प्रसारण लाइन तथा सबस्टेसनको निर्माण आगामी वर्षभित्र सक्ने लक्ष्य राखिएको छ। रासस
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775984983.png)
-1764146706.png)
-1775575666.png)
