चितवन- चितवन राष्ट्रिय निकुञ्जमा साउनयता प्राकृतिक कारणले सात वटा गैँडा मरेका छन्।
_x000D_
_x000D_
निकुञ्जका प्रमुख संरक्षण अधिकृत बेदकुमार ढकालका अनुसार विभिन्न कारणले ती गैँडा मरेका हुन्। गैंडाको बच्चालाई गोहीले खाएर, जुधेर, भालेले हानेर, दलदलमा फसेर, बुढो भएर र एउटा मृगौला एवं फोक्सोमा खराबी भएर मरेको उनले बताए।
_x000D_
_x000D_
चोरी सिकारीबाट भने गैँडा मर्न पाएका छैनन्। ढकालका अनुसार गत वर्षको यही समयमा १२ गैँडा कालगतिले मरेका थिए।
_x000D_
_x000D_
निकुञ्जका सूचना अधिकारी नुरेन्द्र अर्यालका अनुसार गत वर्ष यो समयमा बाढीले चार गैँडा मरेका थिए। बाढीले बगाएर भारत पुर्याएका नौ गैँडाको उद्धार गरी ल्याइएको थियो। नेपालकै सीमा क्षेत्रबाट बाढीले बगाएको एउटा गैँडा उद्धार गरिएको थियो।
_x000D_
_x000D_
गैँडाको सङ्ख्या बढ्दै गएपछि कालगतिका कारण मर्ने सङ्ख्या पनि बढ्दै गएको अर्यालले बताए।
_x000D_
_x000D_
गत आर्थिक वर्षमा कालगतिले २६ गैँडा मरेका थिए। यो सङ्ख्या हालसम्मकै उच्च हो।
_x000D_
_x000D_
कालगतिका कारण मर्ने सङ्ख्या बढ्दै गएपछि निकुञ्ज विभागले अध्ययनसमेत थालेको छ। सन् २०१५ को गणनाअनुसार निकुञ्जमा ६०५ गैँडा रहेका छन्।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।