पर्वत– पर्वतमा विनाशकारी भूकम्पले क्षति पुगेको भन्दै लाभग्राहीको सूचीमा परेर पनि पहिलो किस्ता रकम लगेर घर नबनाएकालाई रकम फिर्ता लिन ताकेता गरिएको छ।
_x000D_
_x000D_
अहिलेसम्म पनि घर बनाउन सुरु नगरेका र घर बनाउन नचाहेकालाई पहिलो किस्ताबापत लगेको रकम फिर्ता गर्न ताकेता गरिएको हो। भूकम्पबाट पूर्ण क्षति पुगेका जिल्लाका ५ हजार २ सय ६९ घरमध्ये हालसम्म १ हजार ४ सय घर मात्र निर्माण भएका छन्।
_x000D_
_x000D_
घर निर्माण गरिसकेका १ हजार ४ सय लाभग्राहीले अहिलेसम्म दोस्रो किस्ताको रकम समेत बुझिसकेका छन्। पहिलो किस्ताको रकम लगेका ३ हजार ४ सय ९ जनाले अहिले पनि घर निर्माण गरेका छैनन्।
_x000D_
_x000D_
पूर्ण क्षतिमा परेका लाभग्राहीमध्ये हालसम्म ४ हजार ८ सय ९ जनाले पहिलो किस्ताबापतको रकम ५० हजार बुझिसकेका छन् भने ४ सय ६० जनाले पहिलो किस्ताको रकम समेत बुझेका छैैनन्। लाभग्राहीलाई पहिलो किस्ताबापतको रकम २४ करोड ४ लाख ५० हजार भुक्तानी गरिसकिएको छ भने दोस्रो किस्ताबापतको रकम २१ करोड घर बनाएकाले भुक्तानी लगिसकेको राष्ट्रिय पुनःनिर्माण प्राधिकरण जिल्ला आयोजना कार्यान्वयन इकाइ पर्वतले जनाएको छ।
_x000D_
_x000D_
पर्वतमा तेस्रो किस्ताको रकम भने अझैसम्म कसैले पनि माग गरेका छैनन्। घर सम्पन्न भइसकेपछि पाउने तेस्रो किस्ता लिनका लागि कसैको पनि माग नआएको आयोजना कार्यान्वयन इकाई प्रमुख जगदीश शर्माले जानकारी दिए। उनले जिल्लामा तेस्रो किस्ताको रकमका लागि माग भई आएमा तत्काल दिन सकिने अवस्था रहेको छ।
_x000D_
_x000D_
उनले भने, 'घर बनाउन नचाहनेका लागि सार्वजनिक सूचना जारी गरेरै रकम फिर्ता गर्न ताकेता गरेका छौंँ।' आगामी वैशाखसम्म रकम फिर्ता नगर्नेका लागि सरकारी बाँकी सरह असुल उपर गर्ने शर्माले जानकारी दिए। उनले भने, 'अहिलेसम्मको पुनःनिर्माणको अवस्था हेर्दा पर्वतमा वास्तविक पीडित झण्डै २ हजार मात्रै भएको अनुमान गर्न सकिन्छ।'
_x000D_
_x000D_
घर सम्पन्न भएको प्राविधिकको सिफारिसको आधारमा स्थानीय तहले निवेदन दिएमा तेस्रो किस्ताको रकम भुक्तानी गर्ने प्रावधान रहेको छ। त्यसैगरी पर्वतमा ४ हजार २ सय जनाले गुनासो फारम भरेका थिए। तीमध्ये भण्डै २ हजार ८ सय जनाको अनुदानका लागि कार्यालयले सिफारिस गरेको पनि शर्माले जानकारी दिए।
_x000D_
_x000D_
भूकम्पका कारण यसअघि नै आंसशक क्षतिमा परेका ४ सय १७ जनामध्ये १ सय २० जनासँग अनुदान सम्झौता भइसकेको छ। आंशिक क्षतिमा परेका २ सय ९७ जना भने सम्झौताका लागि समेत आइनपुगेको कार्यालयले जनाएको छ। आंशिक क्षतिमा परेकाले २ किस्तामा गरी १ लाख पाउनेछन्।
_x000D_
_x000D_
सुरुमा ५० हजार र घर मर्मत गरिसकेपछि ५० हजार भुक्तानी पाउने व्यवस्था रहेको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748936216.png)
