काठमाडौं- दुई वामपन्थी दल मिलेर बनेको पार्टीले आफूले दर्ता गरेको पार्टीसँगै नाम जुधाएको भन्दै ऋषि कट्टेलले त्यसविरुद्ध सर्वोच्च अदालत जाने चेतावनी दिएका छन्। नेपाल कम्युनिस्ट पार्टीका अध्यक्ष कट्टेलले निर्वाचन आयोगसँग आज भएको छलफलमा आफ्नो पार्टीको नाम एकीकृत वामपन्थी दललाई दिए निर्वाचन आयोगलाई समेत विपक्षी बनाउँदैअदालत जाने चेतावनी दिएका हुन्।
_x000D_
_x000D_
वर्षौंदेखि दर्ता गरेर कायम राखेको पार्टीको पहिचान मेट्न खोजेकाले आफू सर्वाेच्चको जान बाध्य हुने उनले आयोगका पदाधिकारीसँगको छलफलमा बताएका छन्।
_x000D_
_x000D_
कट्टेलको नेतृत्वमा नेपाल कम्युनिस्ट पार्टी (नेकपा) पहिलेदेखि क्रियाशील थियो। तत्कालीन नेकपा एमाले र नेकपा माओवादी केन्द्र एकीकरणपछि उक्त पार्टीको नाम सुरुमा नेकपा राखिएको थियो। उक्त नाम कट्टेलको पार्टीसँग जुधेपछि नेपाल कम्युनिस्ट पार्टी (ने क पा) राखिएको थियो। आफ्नो पार्टीसँग मिल्दोजुल्दो नाम दिइएको भन्दै कट्टेल नेतृत्वको नेकपाले निर्वाचन आयोगमा निवेदन दिएको थियो।
_x000D_
_x000D_
आयोगले उक्त निवेदनमाथि छलफलका लागि कट्टेलसहितका नेता र दुवै नेकपाका प्रतिनिधिलाई आज बोलाएको थियो।
_x000D_
_x000D_
छलफलपछि पार्टीका सचिवालय सदस्य कृष्णहरि भट्टले पुरानै नाम कायम हुनुपर्ने नत्र आफूहरु अदालत जान बाध्य हुने चेतावनी दिएको बताएका छन्। ‘निर्वाचन आयोगले दुई वटा पार्टीलाई एउटै नाम दिएर समस्या सिर्जना गरेको हो, यसरी हाम्रो पहिचान मेटाउन खोजिँदै छ,’ उनले भने, ‘यो निर्णय नसच्याए बाध्य भएर न्याय माग्न अदालत जानेछौं।’
_x000D_
_x000D_
सत्तारुढ नेपाल कम्युनिस्ट पार्टीका प्रतिनिधिहरुले भने आफूहरुको नाम पुरानो नेकपासँग नजुध्ने तर्क गरेका थिए।
_x000D_
_x000D_
सत्तारुढ नेकपा प्रतिनिधि मुक्ति प्रधानले नाम नजुधेकाले संविधानको धारा ४१ विपरीत नहुने जिकिर गरेका छन्। प्रधानले नेपाल लाइभसँग कुरा गर्दै दुई पार्टी फरक नामकै भएको तर्क आयोग समक्ष पेस गरेको बताए। ‘उहाँहरुको पार्टी पुरानो होइन भन्ने तर्क हाम्रो तर्फबाट भएको छैन,’ उनले भने, ‘हामी पनि पार्टी हौ भनेर निर्वाचन आयोगलाई कानुन व्यवस्थाको बारेमा बुझाएका छौं, बाँकी निर्णय गर्ने अधिकार आयोगकै हो।’
_x000D_
_x000D_
बुधबार उजुरकर्ता र अर्को पक्षको कुरा सुन्ने काम भएको र प्रमुख आयुक्तले सहमत गरेर आउन केही समय दिएको निर्वाचन आयुक्त इश्वरी पौडेलले बताए। आयोगले छिट्टै कानुनी रुपमा यसको निर्णय गर्ने उनको भनाइ छ।
_x000D_
_x000D_
छलफलमा प्रमुख निर्वाचन आयुक्त अयोधी यादवले आपसी सहमतिमा पार्टीको नाम सम्बन्धी विवाद मिलाउन दुवै पक्षलाई आग्रह गरेका थिए। तर कट्टेल पक्षले भने आफूहरु सानो आकारको भएका कारण पेलिएकाले नाम जुधाउन नमिल्ने तर्क गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
