काठमाडौं– एभरेस्ट वुमन्स भलिबल लिग (ईएब्लूभीएल) को तेस्रो संस्करण आगामी असोजमा हुने भएको छ।
आयोजक इन्फिनिटी ड्रिम्सका अनुसार प्रतियोगिता अक्टोबर १ देखि १०, २०२६ (असोज १५ देखि २४, २०८३) सम्म हुनेछ। लिगका खेल काठमाडौंस्थित दशरथ रंगशाला कभर्ड हलमा आयोजना हुने तय गरेको छ।
पहिलो संस्करणमा चितवन शक्ति, गण्डकी थन्डर्स, कर्णाली यश्वी, काठमाडौं स्पाइकर्स, ललितपुर क्विन्स र मधेश युनाइटेड सहभागी थिए। उक्त संस्करणको फाइनलमा ललितपुरलाई ३–२ को सेटमा पराजित गर्दै कर्णालीले उपाधि जितेको थियो।
दोस्रो संस्करणमा भने चितवन र गण्डकी बाहिरिएका थिए। उक्त संस्करणमा नयाँ टोलीका रूपमा लुम्बिनी लाभास र पोखरा निन्जास थपिएका थिए। उक्त संस्करणको फाइनलमा पनि कर्णालीले ललितपुरलाई ३–२ को सेटमा हराएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
