काठमाडौं– आन्तरिक राजस्व विभागले करदाता प्रोत्साहन उपहार कार्यक्रम, २०८३ अन्तर्गत साउन १ गतेदेखि १५ गतेसम्मका कारोबारबाट छनोट भएका विजेताको नाम सार्वजनिक गरेको छ।
विभागले सार्वजनिक गरेको विवरणअनुसार बम्पर उपभोक्ता पुरस्कारतर्फ हेमराज जोशीले १० लाख रुपैयाँ जितेका छन्।
त्यस्तै विजेता उपभोक्ता पुरस्कारतर्फ १३ जना छनोट भएका छन्। उनीहरूले जनही १ लाख ३३ हजार ३३४ रुपैयाँ उपहार पाउनेछन्।
प्रचलित व्यवस्थाअनुसार आकस्मिक लाभमा २५ प्रतिशत कर कट्टी हुने भएकाले कर कट्टापछि विजेताले जनही १ लाख रुपैयाँ प्राप्त गर्नेछन्।
विभागले सार्वजनिक गरेको सूचीअनुसार विजेता उपभोक्ताहरूमा:
- अनिषा फौदार खनाल,
- अमित राई,
- नरेन्द्रबहादुर बी.के.,
- हिमाल अर्याल,
- राजकुमार लामिछाने,
- अर्जुनकुमार न्यौपाने,
- सपना न्यौपाने खरेल,
- सञ्जय श्रेष्ठ,
- मनोज सिंह,
- किरण सुनुवार (बी.के.),
- प्रवीण कँडेल,
- एकता शर्मा श्रेष्ठ र सहारा गुरुङ रहेका छन्।
विभागका अनुसार विजेता उपभोक्तामध्ये दुईवटा कुपनका विषयमा थप छानबिन गर्नुपर्ने भएकाले तत्काल विजेता सूचीमा समावेश गरिएको छैन।
छानबिन तथा आवश्यक प्रक्रिया पूरा भएपछि मात्र त्यसबारे निर्णय हुने विभागले जनाएको छ।
छनोट भएका विजेताले करदाता प्रोत्साहन उपहार कार्यक्रम सञ्चालन कार्यविधि, २०८३ को दफा ९ बमोजिमको प्रक्रिया पूरा गरेपछि मात्रै पुरस्कार प्राप्त गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786437116.jpg)
-1786184812.png)
