काठमाडौं– जिल्ला, प्रदेश तथा जनवर्गीय संगठनको एकता प्रक्रियामा सुस्तता आइरहेका बेला नेपाल कम्युनिस्ट पार्टीका दुई सचिवालय सदस्य भने चीन भ्रमणमा जान लागेका छन्।
_x000D_
_x000D_
पार्टी प्रवक्ता नारायणकाजी श्रेष्ठ र उपप्रधानमन्त्री एवं रक्षामन्त्री ईश्वर पोखरेलले चीन भ्रमण गर्न लागेका हुन्।
_x000D_
_x000D_
श्रेष्ठको भ्रमण अवधि पाँच दिनको हुने बताइएको छ। तर उनीहरु कुन कार्यक्रमका लागि चीन जान लागेको भने खुलाइएको छैन । श्रेष्ठ बुधबार त्यसतर्फ लाग्नेछन्।
_x000D_
_x000D_
रक्षामन्त्री पोखरेल बेइजिङमा हुने अन्तर्राष्ट्रिय सैन्य सम्मेलनमा भाग लिन जान लागेका हुन्। चीनका रक्षामन्त्री वेइ फेङहेको निमन्त्रणमा आठौँ बेइजिङ सियाङग्स्ट्यान फोरममा भाग लिन पोखरेल चीन जान लागेका हुन्।
_x000D_
_x000D_
उपप्रधानमन्त्री पोखरेलले नेपाली सेनाले संयुक्त राष्ट्रसङ्घको शान्ति मिसनमा खटिएर गरेको योगदान, भावी चुनौती तथा सहकार्यका विषयमा सम्बोधन गर्ने बताइएको छ।
_x000D_
_x000D_
भ्रमणकै क्रममा नेपाली सेनाका लागि विपद् व्यवस्थापन परिचालनका लागि १ सय ५० मिलियन चिनियाँ युआन चीनले सहयोग गर्नेसम्बन्धी सम्झौतामा पनि हस्ताक्षर हुने जनाइएको छ।
_x000D_
_x000D_
विश्वका करिब एक सय मुलुकको प्रतिनिधित्व हुने सम्मेलनमा १५ मुलुकका रक्षामन्त्री र ४० मुलुकका सेना प्रमुखको उपस्थिति हुनेछ। उपप्रधानमन्त्री पोखरेल आगामी मङ्गलबार स्वदेश फर्कने बताइएको छ भने श्रेष्ठको भ्रमण अवधि पाँच दिनको हुनेछ। श्रेष्ठले यसअघि असोजको पहिलो साता पनि चीनको भ्रमण गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
