एजेन्सी– ‘मी टू’ अभियानअन्र्तगत भारतीय महिलाहरुले आफूमाथि भएका यौन दुव्र्यवहार र यातनालाई सार्वजनिक गर्न थालेपछि आमजनता देखि चर्चित व्यक्तिहरुसमेत कानुनी घेरामा पर्न थालेका छन्। यद्यपि महिलाहरुमाथिको यौन हिंसासँग जोडिएको यो विषय सामाजिक सञ्जालमा मात्रै सीमित रहेको र यसले अझै पनि प्रभावकारी तवरमा कानुनी रुप लिन नसकेको बताइन्छ।
_x000D_
_x000D_
यसै विषयलाई मध्यनजर गर्दै भारतका एक अधिवक्ता एमएल शर्माले सर्वोच्च अदालतमा एक रिट निवेदन जाहेर गरेका थिए। तर, अदालतले सो विषयमा तत्काल सुनुवाइ नगर्ने बताएको छ।
_x000D_
_x000D_
शर्माले अदालतमा जाहेर गरेको रिटमा राष्ट्रिय महिला आयोग ‘मी टू’ अभियानलाई सहयोग गर्न अघि आउनु पर्ने माग छ। रिटमा भनिएको छ, ‘मी टू अभियानमार्फत महिलाहरुले आफूमाथि भएका यौन हिंसाको विषयमा सार्वजनिक रुपमा बयान दिइराखेको परिप्रेक्षमा राष्ट्रिय महिला आयोगले यो अभियानलाई सहयोग गर्नुपर्छ।’ उनले अदालतलाई महिला आयोगलाई ‘मी टू’ अभियानमा सहयोग गर्न निर्देशन दिनसमेत माग गरेका छन्।
_x000D_
_x000D_
‘मी टू’ आन्दोलन सामाजिक सञ्जालबाट सुरु भएको अभियान हो। हलिउड अभिनेत्रीहरुबाट सुरु भएको यो अभियानले हाल भारत हुँदै नेपालसम्म पनि प्रभाव पारेको छ।
_x000D_
_x000D_
भारतीय अभिनेत्री तनुश्री दत्तले अभिनेता नाना पाटेकरले एक फिल्म सुटिङको क्रममा आफूमाथि यौन दुव्र्यवहार गरेको आरोप लगाएपछि भारतमा यो अभियानले पछिल्लो चरणमा गति लिएको हो। दत्ताले पाटेकरमाथि आरोप लगाएपछि भारतीय फिल्म नगरीका चर्चित कलाकारहरु देखि राजनीतिज्ञ र पत्रकारमाथि पनि यौन हिंसाको आरोप लागेको छ।
_x000D_
_x000D_
पछिल्लो समय भारतीय विदेश राज्यमन्त्री एम जे अकबरमाथि पनि यौन दुव्र्यवहारको आरोप लागेसँगै उनले आफ्नो पदबाट राजीनामासमेत दिएका छ। त्यस्तै, बलिउड स्टार सलमान खान, गायक अनु मल्लिक, अभिनेता आलोक नाथ र नेपाली मुलका भारतीय पत्रकार प्रशान्त झामाथि पनि ‘मी टू’ अभियानअन्र्तगत नै यौन हिंसाको आरोप लागेको छ।
_x000D_
_x000D_
यौन हिंसा सम्बन्धी विषय तीव्र रुपमा उठान हुन थालेपछि यस्ता मामिलामा कारबाइ गर्न भारतीय महिला एवम् बाल विकास मन्त्रालयले एक कमिटी बनाउने बताएको थियो। तर, पछि सरकारले कमिटीको बदलामा मन्त्रीस्तरीय एक समूह गठन गर्ने निर्णय गरेको थियो।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
