काठमाडौँ – अर्थमन्त्री डा. स्वर्णिम वाग्लेले आगामी आर्थिक वर्षदेखि पुँजीगत खर्चको कमजोर कार्यसम्पादनमा सुधार ल्याउने प्रतिबद्धता व्यक्त गरेका छन्।
प्रतिनिधि सभामा सांसदहरूले उठाएका प्रश्नहरूको जवाफ दिने क्रममा उनले चालु आर्थिक वर्षमा हालसम्म पुँजीगत खर्च ३५ प्रतिशतसम्म पनि पुग्न नसकेको स्वीकार गर्दै आगामी वर्षमा यस्तो अवस्था दोहोरिन नदिने बताएका हुन्।
उनका अनुसार पुँजीगत खर्च प्रभावकारी रूपमा बढाउन सकिए त्यसको सकारात्मक प्रभाव राजस्व परिचालनमा समेत पर्नेछ। विकास खर्चको कार्यान्वयन सुदृढ हुँदा आर्थिक गतिविधि विस्तार भई राजस्व संकलनमा समेत सुधार आउने उनको भनाइ थियो।
अर्थमन्त्री वाग्लेले आगामी आर्थिक वर्षका लागि प्रस्तुत बजेटमार्फत विभिन्न संरचनात्मक सुधारका उपाय समेटिएको उल्लेख गर्दै ती व्यवस्थाको परिणाम आगामी वर्षदेखि क्रमशः देखिन सुरु हुने विश्वास व्यक्त गरे।
उनले हालको सरकारले अघिल्लो सरकारले ल्याएको बजेट कार्यान्वयन गरिरहेको प्रसंगसमेत उल्लेख गरे।
त्यसैगरी, शिक्षा र स्वास्थ्य क्षेत्रमा लागू गरिएका समता शुल्कबारे उठेका चासोप्रति प्रतिक्रिया दिँदै उनले उक्त व्यवस्था न्यून आय भएका तथा आम नागरिकलाई प्रत्यक्ष रूपमा असर नपर्ने आफ्नो अडान पुनः दोहोर्याए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
