काठमाडौं– नेपालका मिक्स्ड मार्सल आर्ट्स (एमएमए) खेलाडी रवीन्द्र ढाँटले बिहीबार ऐतिहासिक जित निकालेका छन् । उनले मकाओमा आयोजित रोड टु यूएफसी सिजन फाइभको ब्यान्टमवेट समूहको क्वाटरफाइनलमा फिलिपिन्सका किम्बर्ट अलिन्टोजोनलाई हराएका हुन् ।
अब उनले सेमिफाइनलमा न्युजिल्यान्डका खेलाडी कासिब मुर्डोकसँग प्रतिस्पर्धा गर्नेछन् । मुर्डोक जापानका योनुसुके मिनामीलाई हराउँदै सेमिफाइनल पुगेका हुन् ।
रवीन्द्र दोस्रो चरणमा टेक्निकल नकआउटको आधारमा विजयी रहे । खेल मकाओस्थित ग्यालेक्सी एरिनामा भएको थियो र त्यसमा सुरुआती केही संघर्षपछि रवीन्द्र आफ्नो प्रतिद्वन्द्वीमाथि हाबी रहे ।
यो जितपछि उनी अब यूएफसीसँग अनुबन्ध प्राप्त गर्ने सम्झौतानजिक पुगेका छन् । अब उनलाई त्यस बहुप्रतिक्षित सम्झौताका लागि दुई जित आवश्यकता पर्नेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
