एजेन्सी– सर्बियाको राजधानी बेलग्रेडमा सन् २०२४ को ट्रेन स्टेशन दुर्घटनाको कारण सुरु भएको विरोध आन्दोलनलाई निरन्तरता दिँदै शनिबार विशाल प्रदर्शन भएको छ।
विरोध आन्दोलनमा एक लाख ८० हजारभन्दा बढी मानिसहरूले सहभागिता जनाएका स्थानीय सञ्चारमाध्यमले उल्लेख गरेका छन् ।
विपक्षीहरूले लामो समयदेखि उत्तरी शहर नोभी सादमा सन् २०२४ नोभेम्बरमा ट्रेन स्टेशनको छाना भत्किएको बिषयलाई लिएर उक्त आयोजना निर्माणमा भएको भ्रष्टाचारको छानबिनको माग गर्दै आएका छन् । विपक्षीको आन्दोलनका क्रममा अहिलेसम्म १६ जनाको मृत्यु भएको छ ।
प्रदर्शनकारीहरूको संख्या गणना गर्न विशेषज्ञ पत्रकार र बुद्धिजीवीहरू सम्मिलित एक स्वतन्त्र समूह अर्हव जाभ्निह स्कुपोभा (एजेएस) ले प्रदर्शनलाई सर्बियामा विशाल प्रदर्शन भएको बताएको छ।
सन् २००० मा राष्ट्रपति स्लोबोदान मिलोसेभिचको पतनपछि सर्बियामा भएको यो दोस्रो ठूलो विरोध प्रदर्शन हो ।
विद्यार्थी नेतृत्वको आन्दोलनले गरेको यसअघिको प्रदर्शनमा दुई लाख ७५ देखि तीन लाख २५ हजार मानिसहरूलाई सडकमा ल्याएको थियो।
सर्बियाका राष्ट्रिय प्रहरी प्रमुख ड्रागन भासिलजेभिकले भने र्यालीमा करिब ३४ हजार ३०० जनाको उपस्थिति रहेको दावी गरे ।
शनिबारको र्याली सकिएपछि प्रहरी र मास्क लगाएका प्रदर्शनकारीबीच हिंसा भएको भन्दै दर्जनौँ व्यक्ति पक्राउ परेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788697119.jpg)
-1786602170.png)
-1786513116.png)
-1788425345.png)
