कञ्चनपुर– कञ्चनपुरको शुक्लाफाँटा नगरपालिका–८ बेल्डाँडीका समूहमा आबद्ध महिला जडिबुटी खेती गरेर आत्मनिर्भर हुनथालेका छन्।
_x000D_
_x000D_
सात समूहमा आबद्ध करीब ४० महिलाले दुई बिगाहमा मेन्था खेती गरेर तीन महिनाको अवधिमै एक लाख ५६ हजार १ सय ६६ रुपैयाँ आम्दानी गरेका छन्।
_x000D_
_x000D_
उनीहरुले आम्दानी भएको रकममध्ये १० प्रतिशत रकम कोषमा जम्मा गरेका छन्। आम्दानीको बाँकी रकम भने बाँडेका छन्।
_x000D_
_x000D_
घर खर्चका लागि पहिला श्रीमानकै मुख ताक्नुपर्ने अवस्था थियो। स्थानीय भोटनी चौधरीले भनिन्– हाल जडिबुटी खेती गर्न थालेपछि घर खर्च आफैं चलाउन थालेका छौं।
_x000D_
_x000D_
'घर खर्चका लागि जडिबुटीको रकमले धान्न थालेपछि श्रीमानलाई पकेट खर्चसमेत दिन थालेका छौं', उनले भनिन्, 'पहिला श्रीमानसँग खर्च माग्थ्यौं, अब श्रीमानलाई कमाएर दिनथालेका छौं।'
_x000D_
_x000D_
जडिबुटी खेतीबाट गतिलो आम्दानी हुनथालेपछि श्रीमान् तथा घरपरिवारले समेत सहयोग गर्न थालेको रोहिना ओखेडाले बताइन्।
_x000D_
_x000D_
मेन्था, क्यामामाइल र असारे प्रशोधन गरी तेल निकालेर बिक्री गरेर आएको आम्दानीले यहाँका महिलाले घर खर्चसँगै बालबालिकाको विद्यालयको खर्चसमेत धान्ने गरेका छन्।
_x000D_
_x000D_
मेन्थाको प्रशोधित तेल दुई हजार दुई सयमा बिक्री हुने गरेको छ। थोरै जग्गामा मेन्था खेती गरेका महिलाले यस वर्ष धेरै जग्गामा खेती गर्ने सोच अघि सारेका छन्।
_x000D_
_x000D_
अन्नबाली लगाउँदा जंगली जनावरले नोक्सानी पु¥याएर हैरान बनाउँदै आएको छ सुकनी चौधरीले भन्नुभयो, “जडीबुटी खेतीलाई जनावरले समेत नोक्सान नगर्ने र चाहे भन्दाबढी आम्दानी हुने भएकाले पुरै जग्गामा जडीबुटी खेती गर्ने योजना बनाएका छौँ ।”
_x000D_
_x000D_
समूहमा आबद्ध १३ जना महिलाले क्यामाइल आठ किलो सात सय ४० ग्राम उत्पादन गरेर चार लाख ६३ हजार १ सय २० रुपैयाँमा बिक्री गरेका छन्। जसमध्ये कोषमा ४६ हजार ३ सय १२ रुपैयाँ जम्मा गरेका छन्। बाँकी आम्दानी बाँडेर लिएका छन्। क्यामामाइल प्रतिकिलो ५३ हजार रुपैयाँका दरले बिक्री भएको छ।
_x000D_
_x000D_
क्यामाइलबाट बढी आम्दानी हुन थालेपछि प्रगति महिला जडिबुटी प्रशोधन उद्योगको समूहमा आबद्ध महिलाले नर्सरीमा बिरुवा उत्पादनसमेत गर्न थालेका छन्। नर्सरीमा उत्पादित बिरुवा महिलाले अन्न फल्ने खेतमा रोप्ने भएका छन्।
_x000D_
_x000D_
'अन्नबाट ६ महिनासमेत खान पुग्दैन', सोनी चौधरीले भनिन्, 'जडीबुटी खेती गरेपछि वर्ष भरिका लागि घर खर्च चलाएर भविष्यका लागि समेत केही रकम बचत गर्न सकिएको छ।'
_x000D_
_x000D_
यसैगरी, महिलाले नै संरक्षण गरेको प्रगति महिला सामुदायिक वनमा रहेको असारे प्रशोधन गरी महिलाले एक लाख ३२ हजार रुपैयाँ आम्दानी गरेका छन्। प्रशोधित असारेको तेल प्रतिकिलो चार हजार रुपैयाँका दरले बिक्री भएको छ।
_x000D_
_x000D_
निड्स नामक गैरसरकारी संस्थाले जडिबुटी खेती गर्ने महिलाले उत्पादन गरेको जडिबुटी प्रशोधन गर्नका लागि ६ लाख खर्चेर प्रशोधन प्लान्ट स्थापना गरिदिएको छ। प्लान्टसँगै जडिबुटी सुकाउनका लागि छहारी निर्माण गरेको छ। संस्थाकै पहलमा विपन्न महिलाको आर्थिक अवस्थामा सुधार ल्याउनका लागि एक लाखको घुम्ती कोषसमेत स्थापना गरिएको छ। घुम्ती कोषबाट न्यून ब्याजमा महिलाले रकम लगानी गरी किराना पसल, कुखुरा, बंगुर, भैंसी पालनसमेत गरेका छन्। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
