पोखरा - प्रिमियम निर्माण सामग्री ब्रान्ड फोमीले पोखरामा आफ्नो नयाँ एक्स्पिरियन्स सेन्टर औपचारिक रूपमा सञ्चालनमा ल्याएको छ।
पोखरा–जोमसोम राजमार्गसँगै बिन्ध्यवासिनीस्थित अर्चलबोटमा स्थापना गरिएको उक्त सेन्टरले अब ग्राहकलाई फोमीका सम्पूर्ण उत्पादनहरू प्रत्यक्ष रूपमा अनुभव गर्ने अवसर प्रदान गर्नेछ।
कम्पनीका अनुसार यस सेन्टरमार्फत फोमीका आधुनिक, वातावरणमैत्री तथा सौन्दर्यपरक वाल कभरिङ एमसिएम उत्पादनहरूलाई नजिकबाट अवलोकन र अनुभव गर्न सकिनेछ। विश्वस्तरीय डिजाइन र टिकाउ प्रविधिमा आधारित यी उत्पादनहरूले नेपाली निर्माण क्षेत्रमा नयाँ आयाम थप्ने विश्वास गरिएको छ।
उक्त एक्स्पिरियन्स सेन्टरमा विश्वप्रसिद्ध सीवेल ब्रान्डको सिस्टम एल्युमिनियमका उत्पादनहरु पनि प्रदर्शनीमा रहेका छ्न जसले आधुनिक निर्माणको समाधानलाई अझ सुदृढ बनाउने अपेक्षा गरिएको छ। साथै प्रिमियम कफी ब्रान्ड माउन्टेनमग कफीको आउटलेट समेत सोही परिसरभित्र सञ्चालनमा ल्याइएको छ, जसले आगन्तुकलाई कफीसँगै उत्कृष्ट स्पेस अनुभव गर्ने अवसर प्रदान गर्नेछ।
फोमी नेपालले यो सेन्टरलाई केवल उत्पादन प्रदर्शन स्थल मात्र नभई आर्किटेक्ट, डिजाइनर तथा ग्राहकबीचको अन्तरक्रियात्मक प्लेटफर्मका रूपमा विकास गर्ने लक्ष्य राखेको जनाएको छ। पोखरा जस्तो पर्यटकीय पुर्बाधारको तीव्र रूपमा विकास भइरहेको शहरमा फोमीको आगमनले निर्माण र डिजाइन क्षेत्रलाई थप प्रेरणा दिने अपेक्षा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
