बेरुत- दक्षिणी लेबनानमा पछिल्ला दुई दिनमा दुई इजरायली सैनिक मारिएका छन् ।
इजरायली रक्षा बल (आईडीएफ)का अनुसार, योसँगै पछिल्लो द्वन्द्व सुरु भएयता मृत्यु हुने सैनिकको सङ्ख्या कम्तीमा १५ पुगेको छ । आईडीएफले दिएको जानकारीअनुसार सर्जेन्ट फर्स्ट क्लास लिडोर पोरात शनिबार मारिएका हुन् ।
त्यसको एक दिनअघि सर्जेन्ट मेजर बराक काल्फोनको मृत्यु भएको थियो । यी दुई घटनामा अन्य १२ सैनिक घाइते भएका छन् । तर विस्तृत विवरण सार्वजनिक गरिएको छैन ।
यो द्वन्द्व मार्चको सुरुवातमा हेजबुल्लाहले इरानको समर्थनमा आक्रमण गरेपछि चर्किएको हो । त्यसपछि इजरायलले लेबनानमाथि लगातार आक्रमण गर्दै आएको छ ।
लेबनानको स्वास्थ्य मन्त्रालयका अनुसार पछिल्ला ६ हप्तामा २ हजारभन्दा बढी मानिसको मृत्यु भएको छ भने करिब ७ हजार घाइते भएका छन् । केही दिनअघि मात्र इजरायल र लेबनानबिच १० दिने युद्धविराम लागू गरिएको थियो तर जमिनमा अवस्था अझै अस्थिर रहेको देखिन्छ ।
फ्रान्सका राष्ट्रपति इम्यानुएल म्याक्रोँले लेबनानमा एक फ्रान्सेली शान्ति सैनिकको मृत्यु भएको भनेकै दिन यो घटना सार्वजनिक भएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
