काठमाडौं– अमेरिकी राष्ट्रपति डोनाल्ड ट्रम्पले इरानको राजधानी तेहरानमा भिषण आक्रमण गरिएको दाबी गरेका छन्।
आफ्नो ट्रुथ सोसल प्लेटफर्ममा एक भिडियो शेयर गर्दै ट्रम्पले तेहरानमा भीषण आक्रमण गरिएको र इरानी सेनाका कयौँ शीर्ष अधिकारी मारिएको बताए।
यद्यपि, उक्त भिडियोको आधिकारिकता र समयबारे कुनै थप विवरण सार्वजनिक गरिएको छैन। इरानले पनि यसमा हालसम्म कुनै आधिकारिक प्रतिक्रिया दिएको छैन।
यस्तै ट्रम्पले इरानलाई सम्झौता गर्न वा होर्मुज स्ट्रेट खोल्न दिएको १० दिने अल्टिमेटम सकिन लागेको भन्दै ४८ घण्टाभित्र कहर सुरु हुने चेतावनी दिएका छन्।
ट्रम्पको चेतावनीको इरानले कडा शब्दमा प्रतिवाद गरेको छ। इरानको खातम अल–अनबिया सेन्ट्रल हेडक्वार्टरका कमाण्डर मेजर जनरल अली अब्दुल्लाहीले अमेरिकी आक्रमण भएमा अमेरिकी र इजरायली सैन्य संरचनाहरूमा निरन्तर आक्रमण गर्ने चेतावनी दिएका छन्।
उनले अमेरिकी सेनाका लागि अब नर्कको ढोका खुल्ने चेतावनी दिएको बीबीसीले जनाएको छ। त्यस्तै, हेडक्वार्टरका प्रवक्ता इब्राहिम जुल्फकारीले पनि इरानलाई हराउने भ्रममा परे पूरै क्षेत्र अमेरिकाका लागि दलदल बन्ने चेतावनी दिए।
त्यस्तै ट्रम्पले इरानको पहाडी क्षेत्रमा हराइरहेका आफ्ना सैनिक टोलीका सदस्यलाई अमेरिकी सेनाले सकुशल उद्धार गरेको जानकारी दिएका छन्।
ट्रम्पले आफ्नो सामाजिक सञ्जाल 'ट्रुथ सोसलमार्फत ’हामीले उनलाई फेला पार्यौँ’ भन्दै अमेरिकी सैन्य इतिहासकै एक निकै साहसी र चुनौतीपूर्ण खोज तथा उद्धार अभियान सफल भएको दाबी गरेका हुन्।
इरानको कडा निगरानी र घेराबन्दीका बिच अमेरिकी सेनाले आफ्ना कर्णेल दर्जाका अधिकारीलाई सुरक्षित स्थानमा ल्याउन सफल भएको हो। केही समयअघि दक्षिणी इरानमा खसालिएको अमेरिकी एफ–१५ लडाकु विमानमा सवार ती अधिकारी इरानको नियन्त्रणमा पर्न सक्ने जोखिम बढेको थियो।
इरानी फौजले उनलाई फेला पार्न आफ्ना नागरिकलाई ठुलो नगद पुरस्कारको समेत घोषणा गरेको पृष्ठभूमिमा अमेरिकी सेनाले २४सै घण्टा लोकेसन ट्र्याक गरेर यो अपरेसन चलाएको थियो। विमानमा सवार पाइलटलाई यसअघि नै उद्धार गरिसकिएको भए पनि हतियार प्रणाली अधिकारीका रूपमा कार्यरत ती सैनिक इरानको दुर्गम पहाडी भेगमा लुकेर बस्न बाध्य थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
