काठमाडौं– नेकपा एमालेको आकस्मिक बैठकले ६ वटा निर्णय गरेको छ । च्यासलमा बसेको बैठकले संसदीय दलको नेता निर्वाचनको विषयमा भइरहेको आलोचनाको प्रष्टीकरण दिँदै पार्टीको हस्तक्षेप नरहेको बताएको छ ।
त्यस्तै रामबहादुर थापा बादलले हिजो सदनमा बोलेको विवादास्पद अभिव्यक्ति सच्याएको छ । प्रतिनिधिसभा चुनावमार्फत् अभिव्यक्त भएको जनमतलाई सम्मान गर्ने एमालेको औपचारिक निर्णय छ ।
साथै वालेन्द्र शाह नेतृत्वको सरकार र निर्वाचनमा सहभागी सम्पूर्ण मतदाता, निर्वाचन आयोग, सुरक्षा निकाय, राष्ट्रसेवक कर्मचारी, निर्वाचन प्रहरी, पर्यवेक्षक, सञ्चारकर्मी, नागरिक समाजलगायतमा धन्यवाद व्यक्त गरिएको उपमहासचिव लेखराज भट्टले जानकारी दिए ।
सचिवालय बैठकले एमाले कार्यकर्ता तथा शुभेच्छुकहरू, विशेषगरी महिलाविरुद्ध लगातार साइबर आक्रमण भइरहेको भन्दै प्रतिवादमा उत्रिन र कानुनी उपचारमा सक्रिय हुन पार्टीपङ्क्तिलाई आह्वान गरेको छ । साइबर आक्रमणमा संलग्नलाई कारबाहीको लागि सरकारको ध्यानाकर्षण गराइएको छ ।
विद्यार्थी संगठनहरू खारेजी र प्रतिबन्ध लगाउने निर्ण फिर्ता लिन आग्रह गरिएको छ । त्यस्तै सरकारी विज्ञापन निजी सञ्चार माध्यमहरू निषेधको निर्णयले स्वतन्त्र प्रेसको भूमिकालाई कमजोर पार्ने र प्रेस स्वतन्त्रतालाई कुण्ठित गर्ने एमालेको ठहर छ ।
पश्चिम एशियमा जारी हिंसाले बीसौं लाख नेपाली असुरक्षित भएको भन्दै घर फर्कन चाहनेलाई सुरक्षित फर्कने व्यवस्था मिलाउन एमालेको माग छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
