एजेन्सी– अमेरिकी राष्ट्रपति डोनाल्ड ट्रम्पले इरानमाथिको आक्रमणबारे ह्वाइट हाउसमा सम्बोधन गर्दै इरानको सैन्य शक्ति समाप्त भएको, वायुसेना ध्वस्त भएको र अधिकांश नेताहरू मारिएको दाबी गरेका छन् ।
इरान परमाणु हतियार निर्माणको निकै नजिक पुगेकोले सैन्य आक्रमण गर्नुपरेको उनले बताए । अहिले आक्रमणको मुख्य उद्देश्य पूरा भइसकेको ट्रम्पले बताए ।
ट्रम्पले इजरायलसहित मध्यपूर्वका आफ्ना सहयोगी देशहरू साउदी अरेबिया, बहराइन, कतार, कुवेत र संयुक्त अरब इमिरेट्सलाई सहयोगका लागि धन्यवाद दिए । उनले बिनाआधार इरानले ती देशहरूमाथि आक्रमण गरेको दाबी गर्दै यसले इरान क्षेत्रीय रूपमा ठूलो खतरा भएको पुष्टि गर्ने बताए ।
अमेरिकाले इरानविरुद्धको आफ्नो सैन्य कारबाहीलाई 'एपिक फ्युरी' नाम दिएको छ । ट्रम्पले यो सम्बोधन जनतालाई उक्त कारबाही अमेरिका र विश्वको सुरक्षाका लागि किन आवश्यक थियो भन्ने बुझाउन दिएको बताए ।
उनले विगत ४७ वर्षमा इरान वा उसका समर्थित समूहहरूले विभिन्न चरमपन्थी आक्रमणहरू गरेको आरोप लगाएका छन् । साथै, इरानमा भएका विरोध प्रदर्शनहरूमा हजारौँ नागरिक मारिएको घटनालाई उल्लेख गर्दै उनले त्यहाँको सत्तालाई 'हत्यारा' भनेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
