काठमाडौँ– गृहमन्त्री सुधन गुरुङले सशस्त्र प्रहरी बल (एपीएफ) का महानिरीक्षक राजु अर्याल सहितको टोलीसँग सुरक्षा तथा व्यवस्थापनसम्बन्धी विषयमा छलफल गरेका छन्।
गृहमन्त्रीको सचिवालयका अनुसार उक्त भेटवार्तामा सीमा क्षेत्रको सुरक्षा अवस्थालाई थप प्रभावकारी बनाउन गस्ती गतिविधि सुदृढ गर्ने विषयमा निर्देशन दिइएको छ। सीमाबाट हुने अवैध गतिविधि नियन्त्रणमा कडाइ आवश्यक रहेको उनले औँल्याएका छन्।
बैठकमा प्राकृतिक विपद् व्यवस्थापनका लागि आवश्यक तयारी, सम्भावित जोखिम न्यूनीकरणका उपाय, स्रोत परिचालन तथा सम्बन्धित निकायबीच समन्वयका विषयमा पनि विस्तृत छलफल गरिएको जानकारी दिइएको छ।
त्यसैगरी, सीमा क्षेत्रमा हुने तस्करी नियन्त्रणलाई प्राथमिकतामा राख्नुपर्ने उल्लेख गर्दै गृहमन्त्री गुरुङले सुरक्षाकर्मीलाई यसतर्फ थप सक्रिय हुन निर्देशन दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
