काठमाडौँ– अमेरिका र इजरायले इरानमाथि आक्रमण सुरु गरेपछि जारी युद्धको असरले प्रभावित हुँदै आएको विश्व बजारमा सोमबार साँझ ठूलो राहतको संकेत देखिको छ ।
अमेरिकी राष्ट्रपति डोनाल्ड ट्रम्पले इरानसँग वार्ता भइरहेको भनेर सोसल मिडियामा गरेको एक पोस्टले युद्ध रोकिने आशमात्र देखाएन, विश्व अर्थतन्त्रमा झिनो आशाको किरण देखिएको छ । यद्यपि इरानले अमेरिकासँग सम्वादमा नरहेको जवाफ दिइसकेको छ ।
ट्रम्पको सन्देशपछि अमेरिकी बजारमा उल्लेखनीय उछाल देखिएको छ । सोमबार वाल स्ट्रिटमा निकै चहलपहल देखियो । अमेरिकामा ५०० ठूला कम्पनीहरुको शेयर सूचकांक ९एस एण्ड पी ५००० देखि प्रविधि कम्पनीहरु धेरै भएको अमेरिकी शेयर बजार सूचकांक नास्ड्याकसम्म सबै सूचकांकहरूमा वृद्धि भएको छ ।
यद्यपि इरानले प्रत्यक्ष वार्ताको खण्डन गरेपछि यो वृद्धि केही सीमित भयो ।
ट्रम्पले इरानसँग ‘सकारात्मक वार्ता’ र आगामी ५ दिनसम्म आक्रमण स्थगित गर्ने घोषणा गरेसँगै अन्तर्राष्ट्रिय बजारमा कच्चा तेलको मूल्य तीव्र रूपमा घटेको छ ।
११४ डलर प्रति ब्यारेल नाघेको ब्रेन्ट क्रूड(कच्चा तेलको एक प्रकार) को मूल्य ११–१३ प्रतिशतले घटेर १०० डलरभन्दा तल झरेको थियो । यद्यपि पछि मूल्य पुनस् केही बढेको छ ।
विश्व बजारमा कच्चा तेलको मूल्य घट्नुलाई सकारात्मक संकेत मान्न सकिन्छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
