काठमाडौँ– राष्ट्रिय सभाको आगामी अधिवेशन सञ्चालन तथा व्यवस्थापनका विषयमा तयारी अघि बढाउँदै सभाका अध्यक्षले सरोकारवालासँग छलफल सुरु गरेका छन्।
राष्ट्रिय सभा अध्यक्ष नारायण प्रसाद दाहालको अध्यक्षतामा सिंहदरबारमा कार्यव्यवस्था परामर्श समितिको बैठक बसेर अधिवेशनसम्बन्धी प्रारम्भिक तयारीबारे विस्तृत छलफल गरिएको हो।
बैठकमा आगामी अधिवेशनको सञ्चालनका लागि आवश्यक पूर्वतयारीका विषयसँगै रिक्त रहेको उपाध्यक्ष पदको निर्वाचन प्रक्रिया, विभिन्न समितिका सभापतिहरूको चयन तथा नवनिर्वाचित सदस्यहरूको समिति विभाजन जस्ता संगठनात्मक विषयहरूमा ध्यान केन्द्रित गरिएको थियो।
उक्त छलफलमा कानुन, न्याय तथा संसदीय मामिला मन्त्री अनिल कुमार सिन्हासहित राष्ट्रिय सभामा प्रतिनिधित्व गर्ने दलका नेता, प्रमुख सचेतक, सचेतक तथा अन्य प्रतिनिधिहरूको सहभागिता रहेको थियो।
बैठकले संसद् सञ्चालनलाई प्रभावकारी र व्यवस्थित बनाउन आवश्यक समन्वय तथा तयारीलाई अघि बढाउने दिशामा सरोकारवालाबीच साझा समझदारी निर्माण गर्ने प्रयास गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
