एजेन्सी– इरानको न्यूज एजेन्सी तसनीमका अनुसार शनिबार बिहान अमेरिका र इजरायलले इरानको तनान्ज न्युक्लियर सेन्टरमा हवाई आक्रमण गरेका छन् ।
रिपोर्टमा यस आक्रमणमा अहिलेसम्म कुनै प्रकारको रेडियोएक्टिभ (खतरनाक परमाणु) चुहावट नभएको बताइएको छ । यस क्षेत्रमा बस्दै आएका स्थानीयलाई पनि कुनै खतरा नभएको बताइएको छ ।
अमेरिका र इजरायलले यसअघि २ मार्चमा पनि यस प्लान्टमा आक्रमण गरेका थिए । यो इरानको सबैभन्दा ठूलो न्युक्लियर प्लान्ट हो । यहाँ युरेनियम इनरिचमेन्ट गरिँदै आएको छ ।
यो सेन्टरको ठूलो क्षेत्र जमिनमुनि बनेको छ । कुनै प्रकारको आक्रमणबाट क्षति नहोस् भनेर यो सेन्टरलाई जमिनको निकै मुनि बनाइएको हो ।
यता इजरायली आर्मी (आईडीएफ)ले भने न्यूक्लियर प्लान्टमा भएको भनिएको आक्रमण अस्वीकार गरेको छ । आईडीएफले भनेको छ, ‘न्युक्लियर प्लान्टमा हामीले आक्रमण गरेका छैनौं । र कसले गरेको हो भन्ने पनि हामीलाई थाहा छैन । हामी अमेरिकी कारबाहीमा कुनै टिप्पणी गर्दैनौं ।’
तसनीमका अनुसार आक्रमण भएको ठाउँ ‘अहमदी रोशन’ हो । अमेरिकी अधिकारी ब्रेड कूपरले आफ्नो सेनाले होर्मुज स्ट्रेटमा जहाजको सुरक्षामा नजर राखिरहेको बताएका छन् । यस्तै इरानको एक सिक्रेट अन्डरग्राउन्ड संरचनामा बम खसालेको उनले बताए । उक्त क्षेत्रमा मिसाइल र हतियार राखेकाले जहाजलाई हुनसक्ने खतराबाट बचाउन आक्रमण गरिएको उनको भनाइ छ ।
आक्रमणमा सिक्रेट सेन्टरसहित रडार र निगरानी सिस्टमसमेत नष्ट गरेको अमेरिकाको दाबी छ ।
इरानका एक अधिकारीले अमेरिकी राष्ट्रपति ट्रम्पलाई शबक सिकाउने चेतावनी दिएका छन् । आईएसएनएका अनुसार ती अधिकारीले इरानलाई अब ट्रम्पबाट कुनै विश्वास नभएको बताएका छन् ।
रुसले नतान्ज न्युक्लियर प्लान्टमा भएको आक्रमणको निन्दा गरेको छ । रुसी विदेशमन्त्रालयकी प्रवक्ता मारिया जखारोवाले यो आक्रमण अन्तर्राष्ट्रिय कानुनको खुला उल्लंघन भएको बताएकी छन् । इरानले यो आक्रमणको जानकारी परमाणु एजेन्सीलाई समेत दिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
