तेहरान– इरानले इजरायली गुप्तचर संस्था मोसादका लागि जासुसी गरेको आरोपमा एक व्यक्तिलाई मृत्युदण्ड दिएको छ ।
अर्ध–सरकारी समाचार संस्था तस्मिन न्युज एजेन्सीका अनुसार उक्त सजाय बुधबार बिहान कार्यान्वयन गरिएको हो ।
समाचारअनुसार ती व्यक्तिले देशका संवेदनशील क्षेत्रहरूको तस्बिर र जानकारी मोसादका अधिकारीहरूलाई उपलब्ध गराएको आरोप लागेको थियो । इरानको सर्वाेच्च अदालतबाट अनुमोदन भएपछि फाँसी कार्यान्वयन गरिएको बताइएको छ । समाचार एजेन्सीका अनुसार ती व्यक्ति स्विडेनमा रहँदा अनलाइनमार्फत मोसादको जासुसमा भर्ती भएका थिए ।
यात्रासम्बन्धी विज्ञापन समूहमा आफ्ना विवरण राखेपछि एक फारसी भाषा बोल्ने मोसाद अधिकारीले उनीसँग सम्पर्क स्थापना गरेको दाबी गरिएको छ । उनलाई गत जुन महिनामा इस्लामिक रिभोलुशनरी गार्ड कप्र्स (आईआरजीसी)ले साभोजबोलाघ क्षेत्रमा पक्राउ परेका थिए ।
पक्राउ पर्दा उनीसँग उन्नत जासुसी उपकरण, गुप्त सूचना संकलन सामग्री तथा स्याटेलाइट सञ्चार प्रणाली भेटिएको जनाइएको छ । यो घटना इरान र इजरायलबिच बढ्दो तनावका बिच सार्वजनिक भएको हो । दुवै देशबिचको द्वन्द्वले हाल सैन्य तथा गुप्तचर गतिविधिहरूलाई झन् तीव्र बनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773818466.png)
-1773818050.png)
-1764146706.png)
