तेहारान– इरानी सर्वोच्च नेता आयतोल्लाह अली खामेनीको हत्यापछि इरानले कडा प्रतिक्रिया जनाउँदै यसको बदला लिने चेतावनी दिएको छ।
इरानी राष्ट्रपति मसुद पेजेस्कियानले खामेनीको हत्यालाई ‘भयानक अपराध’ को संज्ञा दिँदै यसले इस्लामिक जगत र शिया इतिहासमा नयाँ पाना थप्ने बताएका हुन्।
राष्ट्रपतिको कार्यालयबाट जारी विज्ञप्तिमा यो घटनालाई अनुत्तरित नछाडिने र अपराधीहरूलाई कडा सजाय दिइने स्पष्ट पारिएको छ। राष्ट्रपति पेजेस्कियानले सर्वोच्च नेताको बलिदानले अमेरिकी–जियोनिस्ट दमन र अपराधलाई जरैदेखि उखेल्ने दाबी गरेका छन्।
उनले खामेनीको रगत एउटा गर्जिरहेको झरना जस्तै बग्ने र त्यसले अन्यायको अन्त्य गर्ने उल्लेख गरेका छन्। इरानले आफ्ना सम्पूर्ण शक्ति र दृढ संकल्पका साथै विश्वभरका इस्लामिक राष्ट्र र स्वतन्त्र मानिसहरूको समर्थनमा यस हत्याका योजनाकार र कार्यान्वयन गर्नेहरूलाई पछुतो गराउने प्रतिज्ञा गरेको छ।
यो घटनाको शोकमा इरानमा ४० दिनको राष्ट्रिय शोक घोषणा गरिएको छ। साथै, राष्ट्रपतिले सात दिनसम्म सार्वजनिक बिदा दिने निर्णय समेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772271039.png)
