काठमाडौँ– नेपाल कम्युनिस्ट पार्टी (एमाले)का अध्यक्ष केपी शर्मा ओलीले कार्यकाल पूरा गर्नका लागि राजनीतिक स्थायित्व अभाव भएको अवस्थामा चार पटक प्रधानमन्त्री बन्नुपर्ने अनुभव रहेको बताएका छन्।
निर्वाचन अभियान अन्तर्गत घरदैलो कार्यक्रममा मतदातासँग संवाद गर्दै उनले आफ्नो कार्यकालमा सुरु गरेका विकास परियोजना र सुधारात्मक पहलहरू राजनीतिक दबाबका कारण बारम्बार रोकिएको बताए।
ओलीका अनुसार रेल सेवा पुनः सञ्चालन र पानीजहाज मार्ग सम्बन्धी योजना अघि बढाउन थालेपछि सरकारले त्यस्ता पहललाई भत्काइदिने र अवरोध सिर्जना गर्ने प्रवृत्ति देखाएको छ। उनले विरोधीहरूले देशभक्तिप्रति कम प्रतिबद्धता भएको र सुधारका कामलाई सहन नसक्ने आरोप समेत लगाउने गरेको दाबी गरे।
अध्यक्ष ओलीले औद्योगिक क्षेत्र स्थापना, सामुदायिक भवन र रंगशाला निर्माण जस्ता विकास पहललाई पनि विभिन्न बाह्य र आन्तरिक शक्तिहरूले अवरोध गरिरहेको बताएका छन्। उनले भ्यु टावर परियोजनालाई उदाहरण दिँदै यसलाई आइटी उद्योग र इन्भेस्टमेन्ट केन्द्रका रूपमा विकास गर्ने उद्देश्यले अघि बढाइएको स्पष्ट पारेका छन्।
उनले मतदातालाई सम्बोधन गर्दै राजनीतिक चुनौतीका बाबजुद पनि विकासका काम रोक्न नहुने र विभिन्न क्षेत्रको प्राविधिक तथा आर्थिक सुधारलाई निरन्तरता दिनुपर्नेमा जोड दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
