मुस्ताङ– नेपालको पर्वतारोहण इतिहासमा अर्को एउटा महत्वपूर्ण अध्याय थपिएको छ।
सेभेन समिट ट्रेक्स र पेलियटको संयुक्त सहकार्यमा मुस्ताङ हिमाल श्रृङ्खलामा रहेका दुईवटा कुमारी चुचुराहरूको पहिलो ऐतिहासिक आरोहण सफलतापूर्वक सम्पन्न भएको हो ।
आरोही ही जिङको नेतृत्वमा रहेको आरोहण दलले गत फेब्रुअरी ९, २०२६ का दिन मुस्ताङमा अवस्थित ६,१८७ मिटर उचाईको ‘केक्याप री’ र ६,०६२ मिटर उचाइको ‘ज्याङ्लातुन्पू’ हिमालको सफल आरोहण गरेको हो।यसअघि यी हिमालको शिखरमा कुनैपनि मानव पाइला नपुगेकाले यसलाई विश्व पर्वतारोहण जगतमा निकै उत्साहजनक र ठूलो उपलब्धिको रूपमा हेरिएको छ ।
पर्वतारोहणको क्षेत्रमा ‘कुमारी हिमाल’ भन्नाले अहिलेसम्म कसैले पनि विजय प्राप्त नगरेको शिखर बुझिन्छ।मुस्ताङका यी दुर्गम र चुनौतीपूर्ण चुचुराहरूमा पहिलो पटक मानव पाइला राखेर ही जिङ र उनको टोलीले नेपालको साहसिक पर्यटनमा नयाँ गन्तव्यको ढोका खोलेका छन् ।
सेभेन समिट ट्रेक्स र पेलियटको यो संयुक्त प्रयासले नेपाली हिमालहरूको प्रचार–प्रसारमा थप टेवा पुग्ने विश्वास लिइएको छ।नेपालको पर्वतारोहणलाई नयाँ उचाईमा पुर्याउन यस्ता अन्वेषणात्मक आरोहणहरूले महत्त्वपूर्ण भुमिका खेल्ने पर्यटन विज्ञहरूको भनाइ छ ।
एक विशेष समारोहमा नेपाल पर्यटन बोर्डका प्रमुख कार्यकारी अधिकृत (सीईओ) दीपकराज जोशीले यस ऐतिहासिक सफलताको प्रशंसा गर्दै नेपालको पर्यटन क्षेत्रका लागि यो एक महत्वपूर्ण कोशेढुङ्गा भएको बताए। उनले असाधारण शाहसको चर्चा गर्दै जोशीले सु याङको यो सफलताले विश्वभरका पर्वतारोहीहरूलाई प्रेरणा दिने बताए।
पर्यटन बोर्डले नेपालमा सुरक्षित, दिगो र शाहसिक पर्वतारोहणलाई सधैँ सहयोग र प्रोत्साहन गर्ने प्रतिवद्धता समेत जनाएको छ।समारोहलाई सम्बोधन गर्दै जोशीले भने, ‘यो उपलब्धिले नेपाल पर्वतारोहण र साहसिक पर्यटनका लागि विश्वकै अग्रणी गन्तव्य रहेको कुरालाई फेरि एकपटक प्रमाणित गरेको छ।म यस ऐतिहासिक अन्वेषण र आरोहणमा संलग्न सम्पूर्ण टोलीलाई हार्दिक बधाई ज्ञापन गर्दछु ।'
सोही अवसरमा चिनियाँ पर्वतारोही सु याङलाई पूरक अक्सिजन बिना विश्वका ८ हजार मिटरभन्दा अग्ला सबै १४ वटा हिमालहरू सफलतापूर्वक आरोहण गरेकोमा ‘गिनिज वल्र्ड रेकर्ड’ को प्रमाणपत्र प्रदान गरिएको थियो।
चिनियाँ पर्वतारोही ही जिङले माथिल्लो मुस्ताङ क्षेत्रमा रहेको एक कुमारी (आरोहण नगरिएको) हिमालको सफल आरोहण गरेका हुन्।कार्यक्रममा नेपाल पर्यटन बोर्डका सदस्य ऋषिराम भण्डारीले जिङको यस नवीनतम सफलताको प्रशंसा गर्दै उनलाई बधाई ज्ञापन गरे।
पर्वतारोहणको क्षेत्रमा ऐतिहासिक कीर्तिमान कायम गरिसक्नुभएकी जिङले बिना अक्सिजन मात्र ६९ दिनको छोटो अवधिमा विश्वको सर्वोच्च शिखर सगरमाथा र दोस्रो अग्लो हिमाल केटुको सफल आरोहण गरी गिनिज बुक अफ वल्र्ड रेकर्डमा आफ्नो नाम सुरक्षित गरिसकेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
