काठमाडौं – पशुपतिनाथको मुख्य पर्व महाशिवरात्रिका लागि पाशुपत क्षेत्र यतिबेला दुलहीझैँ सिँगारिएको छ ।
आइतबार परेको शिवरात्रिको स्वागतका लागि मन्दिर परिसरमा रङरोगन, सरसफाइ र बिजुली बत्तीको सजावटसँगै सम्पूर्ण तयारी पूरा भएको पशुपति क्षेत्र विकास कोषले जनाएको छ ।
पर्वलाई लक्षित गरी छिमेकी मुलुक भारतसहित देशका विभिन्न स्थानबाट साधु–सन्त र नागा बाबाको बाक्लो आगमन भइसकेको छ । भक्तजनको चापलाई मध्यनजर गर्दै सुरक्षा व्यवस्था कडा पारिएको छ भने दर्शनार्थीको सहजताका लागि काठमाडौँ उपत्यका ट्राफिक प्रहरी कार्यालयले विशेष यातायात व्यवस्थापन योजना सार्वजनिक गरेको छ ।
ट्राफिक प्रहरीका अनुसार दर्शनार्थीको चाप नबढुन्जेलसम्म चाबहिल, गौशाला र तिलगंगा क्षेत्रमा सवारी साधन निर्वाध रूपमा सञ्चालन हुनेछन् । तर, गौशाला क्षेत्रमा मानिसको भीड अत्याधिक भई सवारी आवागमनमा अवरोध हुने अवस्था आएमा वैकल्पिक मार्गको प्रयोग गरिनेछ ।
विशेषगरी तिनकुनेबाट सिनामङ्गलतर्फ आउने, बौद्धबाट गौरीघाटतर्फ आउने तथा पुरानो बानेश्वर र मित्रपार्कबाट गौशालातर्फ आउने मालबाहक सवारी साधनलाई आवश्यकता अनुसार रोक लगाइने ट्राफिक प्रहरीले जनाएको छ । यस्तै, भिडको अवस्था हेरी चाबहिल, पुरानो बानेश्वर, ज्ञानेश्वर र मैतिदेवी मोडबाट गौशालातर्फ आउने सवारीलाई वैकल्पिक रुटमा मोडिने (डाइभर्सन गरिने) योजना छ ।
पार्किङका लागि ६ स्थान तोकिए
दर्शनार्थी र पर्यटकको सहजताका लागि प्रहरीले ६ वटा फरक–फरक ठाउँमा पार्किङको व्यवस्था गरेको छ :-
१. सिफल चौर: दर्शनार्थी, पासवाहक र सुरक्षाकर्मीका सवारी साधनका लागि ।
२. गुहेश्वरी पारि: तीर्थयात्री र दर्शनार्थीका सवारीका लागि ।
३. तिलगंगा आँखा अस्पताल र करिडोर: दर्शनार्थी, पर्यटक र तीर्थयात्रीका सवारीका लागि ।
४. पशुपति विकास कोष कार्यालय (भण्डारखाल): सवारी पासवाहक गाडीहरूका लागि ।
५. वनकाली क्षेत्र: शिविर सञ्चालन गर्ने संस्था, दमकल, एम्बुलेन्स र खानेपानीका साधनका लागि ।
६. प्रहरी वृत्त गौशाला परिसर: सरकारी र पासवाहक सवारी साधनका लागि ।
बागमती करिडोर र जोरपाटीबाट चाबहिल हुँदै आउने सवारी साधनलाई गुहेश्वरी पारि पार्किङ गर्ने व्यवस्था मिलाइएको छ । ट्राफिक प्रहरीले महाशिवरात्रिका दिन पशुपति क्षेत्र भएर यात्रा गर्दा वैकल्पिक मार्गको प्रयोग गर्न र ट्राफिक नियमको पूर्ण पालना गर्न सर्वसाधारणमा अनुरोध समेत गरेको छ ।
-1771045878.png)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788920147.webp)
-1786360041.jpg)
-1786875772.jpg)
.JPG)
-1786602170.png)
