काठमाडौं – काभा महिला यु–१९ च्याम्पियनसिप भलिबलमा नेपालले आज कीर्गिस्तानसँग प्रतिस्पर्धा गर्दैछ।
श्रीलंकामा आज सुरु हुने च्याम्पिनसिपको पहिलो खेलमा नेपालले साँझ सवा ५ बजे प्रतिस्पर्धा गर्न लागेको हो। त्यसअघि आजै आयोजक श्रीलंका र माल्दिभ्सबीच प्रतिस्पर्धा हुँदैछ।
चार टोली सहभागी च्याम्पियनसिपमा राउन्ड रोबिन लिगपछि अंक तालिकाको शीर्ष र चौथो तथा दोस्रो र तेस्रो टोलीबीच सेमिफाइनल हुनेछ।
कात्तिक २३ गते फाइनल र तेस्रो स्थानका लागि प्रतिस्पर्धा हुनेछ। गत वर्ष भएको महिला यु २० च्याम्पियनसिपमा नेपालले कास्यपदक जितेको थियो।
यसपटक लामो समयको तयारी भएकाले अझै सुखद नतिजा आउने टोलीका मुख्य प्रशिक्षक कुमार राईले बताए। टोलीले झन्डै डेढ महिना काभाको तयारी गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
