हैजा, एक गम्भीर, तीव्र पखाला लाग्ने सङ्क्रमण हो जुन दूषित खाना वा पानीको सेवनबाट हुने गर्छ। हालै यो महामारी (प्लेग) बीरगञ्जमा फैलिएको छ, जसले यसको व्यवस्थापन र रोकथामलाई राष्ट्रिय सरोकारको विषय बनाएको छ। यसको फैलावटलाई रोक्न केन्द्रीय, प्रादेशिक र स्थानीय सरकार हतारमा लागिपरेका छन्। यसको रोकथामका लागि सर्वप्रथम जनता स्वयंले सरसफाइमा ध्यान दिनु आवश्यक छ। सबै स्वास्थ्यकर्मीहरूलाई रोगको रोकथामका लागि दिइएका निर्देशनहरू कडाईका साथ पालना गर्न आदेश दिइएको भए पनि, फार्मासिस्टको भूमिका पनि यसमा समानान्तर रूपमा आएको छ।
हैजाको रोकथाम र व्यवस्थापनमा फार्मासिस्टको भूमिका
१. जनस्वास्थ्य र रोकथाम: "उपचार भन्दा रोकथाम राम्रो" भन्ने भनाइ जनस्वास्थ्यको दायराभित्र पर्दछ। सामान्यतया, औषधि पसलहरू समुदायमा स्वास्थ्य सम्पर्कको पहिलो बिन्दु हुन्। सरसफाइ, स्वच्छता, र उचित हात धुने तरिकाको महत्त्वबारे पर्याप्त जानकारी वा शिक्षा प्रदान गर्नु सामुदायिक औषधि पसलहरूको जिम्मेवारी हो। महामारीको सम्भावित स्रोत र यसको न्यूनीकरणबारे पर्याप्त जानकारीले जनस्वास्थ्य सुरक्षा सुनिश्चित गर्न सक्छ, जसले सम्भावित प्रकोप र फैलावटलाई रोक्न मद्दत गर्दछ।
२. औषधि व्यवस्थापन: क. जीवनजल (ORS) प्रदान गर्नु: महामारी (हैजा) बाट हुने मृत्युको मुख्य कारण निर्जलीकरण (dehydration) हो। त्यसैले, पर्याप्त हाइड्रेशन नै रोगको रोकथाम र उपचारको मुख्य आधार हो। औषधि पसलहरू जीवनजलको सबैभन्दा सुलभ स्रोत हुन्। फार्मासिस्टले जीवनजल मात्र उपलब्ध गराउँदैनन्, बिरामीहरूलाई यसलाई कसरी सही तरिकाले मिसाउने र प्रयोग गर्ने भनेर निर्देशन पनि दिन्छन्, जुन पुनर्जलीकरणका (rehydration) लागि महत्त्वपूर्ण छ।
क. एन्टिबायोटिकको विवेकपूर्ण प्रयोग (Antimicrobial Stewardship): विशेष गरी सामुदायिक स्तरमा नेपालमा एन्टिबायोटिकको दुरुपयोगबारे चिन्ता बढ्दै गएको छ। फार्मासिस्टहरू आपूर्तिमा पहिलो स्थानमा भएकाले यो घटनाका लागि प्रमुख जिम्मेवार छन्। हैजाजस्ता महामारीमा गम्भीर पखाला र निर्जलीकरण हुँदा एन्टिबायोटिक सिफारिस गरिन्छ। उपचारको मुख्य आधार भने पुनर्जलीकरण नै हो। त्यसैले, सामुदायिक स्तरमा काम गर्ने सबै फार्मासिस्टको जिम्मेवारी हो कि उनीहरूले एन्टिबायोटिकको अविवेकी गर्न बाट रोक्ने । डाक्टरको प्रिस्क्रिप्शनपछि मात्र एन्टिबायोटिक दिनु र बिरामीलाई उपचारको कोर्स पूरा गर्न प्रोत्साहित गर्नु आवश्यक छ। हैजाको Prophylaxis (रोकथामका) लागि एन्टिबायोटिकको प्रयोग गरिँदैन, त्यसैले यस्तो कार्य सामुदायिक स्तरमा गरिनु हुँदैन।
ख. अन्य औषधि वितरण: फार्मासिस्टले उपचार प्रोटोकलको हिस्साको रूपमा रहेका अन्य औषधिहरू पनि वितरण गर्छन्, जस्तै बालबालिकाका लागि जिंक (Zinc) सप्लिमेन्ट, अन्य नसाबाट दिइने तरल पदार्थ (IV fluids), र उपचारका लागि आवश्यक सबै औषधिहरू।
ग. महामारीको समयमा औषधि आपूर्ति व्यवस्थापन: प्रकोपको रोकथाम र यसको फैलावटलाई रोक्न औषधि आपूर्ति व्यवस्थापन एक महत्त्वपूर्ण पक्ष हो। फार्मासिस्टले आवश्यक औषधिको प्रभावकारी उपलब्धता सुनिश्चित गर्न आपूर्ति व्यवस्थापनमा महत्त्वपूर्ण भूमिका खेल्छन्। उनीहरूले समयमै र पर्याप्त मात्रामा औषधिको उपलब्धता सुनिश्चित गर्न क्षेत्रीय, प्रादेशिक र स्थानीय स्तरका सरकारहरूसँग समन्वय गर्छन्।
३. डाटा सङ्कलन र रिपोर्टिङ: फार्मासिस्टले हैजाको शङ्कास्पद घटनाहरूको रिपोर्ट सम्बन्धित स्वास्थ्य अधिकारीहरूलाई दिएर जनस्वास्थ्य निगरानीमा भूमिका खेल्न सक्छन्। प्रकोपको अनुगमन, स्वास्थ्य जनशक्तिको समन्वय र परिचालनका लागि यो डाटा र रिपोर्टिङ स्वास्थ्य अधिकारीहरूका लागि महत्त्वपूर्ण हुन्छ।
४. अन्य स्वास्थ्यकर्मीहरूसँगको समन्वय: महामारीको प्रकोपमा एक समन्वित र प्रभावकारी प्रतिक्रिया सुनिश्चित गर्न फार्मासिस्टहरू अन्य स्वास्थ्यकर्मीहरूसँग मिलेर काम गर्छन्।
अन्त्यमा, केवल फार्मासिस्ट मात्र नभई सबै स्वास्थ्यकर्मीहरू एकताबद्ध र समन्वित तरिकाले काम गरेमा मात्र प्रकोपमा प्रभावकारी र समन्वित प्रतिक्रिया प्रदान गर्न सकिन्छ। यो रोग देशमा महामारीको अवस्थामा छ। फार्मासिस्टहरू केवल औषधि आपूर्तिकर्ता मात्र नभई स्वास्थ्य प्रणालीका सक्रिय र अपरिहार्य सदस्य हुन्, जसले हैजाको प्रकोपमा रोकथाम र शिक्षादेखि उपचार र जनस्वास्थ्य निगरानीसम्मका सबै चरणहरूमा महत्त्वपूर्ण भूमिका खेल्छन्। उनीहरूको सुलभता र विशेषज्ञताले उनीहरूलाई जनता र जनस्वास्थ्य अधिकारीहरू दुवैका लागि एक महत्त्वपूर्ण स्रोत बनाउँछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786783779.jpg)
-1786602170.png)
-1786513116.png)
