काठमाडौं– त्रिभुवन अन्तर्राष्ट्रिय विमानस्थलबाट भित्रिएको ३८ सय किलो सुन तस्करीका अभियुक्त डा डेबिटर भनिने छिरिङ वाङ्गेल घले १ कक्षामा भर्ना भएका छन्। उनी केन्द्रीय कारागार जगन्नाथ देवलको कैदीबन्दी प्राथमिक विद्यालयको १ कक्षामा भर्ना भएको कारागारले जनाएको छ।
_x000D_
_x000D_
डा डेबिटर सुन तस्करीको आरोपमै पक्राउ परेका राप्रपा प्रजातान्त्रिकका नेता भुजुङ गुरुङका साला हुन्। यसभन्दा अघि ल्याप्चे हान्ने डा डेबिटरले सही हान्नसमेत जानिसकेको जेलर वेदनिधि अधिकारीले बताए।
_x000D_
_x000D_
कारागारभित्रै ३ वटा स्कुल छ। १२ कक्षासम्मको बन्दी विकास माविमा २ सय ५० विद्यार्थी छन्। त्यसैगरी जगन्नाथ देवल माविमा १ सय ५० र ४० वर्षे डा डेबिटरसहित प्राथमिक विद्यायलयमा ९० जना विद्यार्थी अध्ययनरत छन्।
_x000D_
_x000D_
सुन काण्डका अभियुक्त डा डेबिटरले गत जेठ २० मा मोरङ अदालतमा आत्मसमर्पण गरेका थिए। उनलाई जेठ २८ मा केन्द्रीय कारागार काठमाडौं ल्याइएको थियो।
_x000D_
_x000D_
डा डेबिटरमाथि अहिले सम्पत्ति शुद्धीकरण विभागले अनुसन्धान गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
