सिओल- अमेरिकी विदेशमन्त्री माइक पोम्पेओ र उत्तर कोरियाली नेता किम जोङ–उनबीच कोरियाली प्रायद्वीपमा आणविक निशस्त्रीकरण लगायतका विषयमा महत्वपूर्ण कुराकानी भएको छ।
_x000D_
_x000D_
दुई नेताबीच करिब दुई घन्टा कुराकानी भएको थियो। अमेरिकी विदेशमन्त्री पोम्पेओले भने, 'वार्ता सही र उपलब्धिमूलक भएको छ।'
_x000D_
_x000D_
दुई नेताबीच कोरियाली प्रायद्वीपको आणविक निशस्त्रीकरण प्रक्रिया र अमेरिकी राष्ट्रपति डोनाल्ड ट्रम्प र कोरियाली नेताबीचको दोस्रो शिखर सम्मेलनका विषयमा वार्ता भएको थियो।
_x000D_
_x000D_
विदेशमन्त्री पोम्पेओले दुवै देशको सहमतिमा छिट्टै अमेरिकी राष्ट्रपति र नेता किमबीचको दोस्रो वार्ताको मिति तथा स्थान तय गरिने जानकारी गराए।
_x000D_
_x000D_
वार्तामा भएका विषयबारे दक्षिण कोरियाली राष्ट्रपति मुन जाइ–इन तथा विदेशमन्त्री काङ क्युङ ह्वालाई जानकारी गराउन अमेरिकी विदेशमन्त्री प्योङयाङबाट आइतबार नै सिओलतर्फ प्रस्थान गरेका छन्।
_x000D_
_x000D_
अमेरिकी कूटनीतिज्ञले आणविक निशस्त्रीकरण र वासिङ्टनसँगको ‘स्थिर सम्बन्ध’ निर्माण गर्न खेलेको भूमिकाका लागि सिओललाई धन्यवाद दिएका छन्।
_x000D_
_x000D_
अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीचको वार्तालाई वातावरण मिलाउने सिलसिलामा पोम्पेओ शनिबार जापान पुगेका थिए भने उनी आइतबार प्योङयाङ पुगे।
_x000D_
_x000D_
जापानले प्योङयाङ नेतृत्वलाई कडा दबाब सिर्जना गर्नुपर्ने बताउँदै आएको छ। जापानी प्रधानमन्त्री आवेले उत्तर कोरिया र जापानबीचको सम्बन्ध सुधारका लागि प्रत्यक्ष वार्ता गरेर मात्र अघि बढ्न सकिने बताएका थिए।
_x000D_
_x000D_
पोम्पेओ सिओलबाट सोमबार चीनका लागि प्रस्थान गर्नेछन्। चीन उत्तर कोरियाको बलियो राजनीतिक तथा आर्थिक सहयोगी मानिने गर्छ। तर पोम्पेओको बेइजिङ बसाइ भने सहज नहुने देखिएको छ। केही दिनपहिले अमेरिकी उपराष्ट्रपति माइक पेन्सले चीनलाई सैन्य उत्तेजना फैलाएको, व्यावसायिक चोरी गरेको, मानव अधिकार उल्लङ्घनका घटनामा बढोत्तरी गराएको र अमेरिकी निर्वाचनमा ट्रम्पविरुद्ध हस्तक्षेप गरेको लगायतका आरोप लगाएका कारण चीन अमेरिकासँग खुसी छैन।रासस/योन्हाप
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
