मनसुन सकिएसँगै देशभर चिसो बढ्ने क्रम सुरु

समाज

नेपाल लाइभ आइतबार, असोज २१, २०७५ ०९:२४

काठमाडौं– बर्खायाममा सक्रिय हुने मनसुन नेपालबाट शुक्रबारदेखि बाहिरिएसँगै देशभर चिसो बढ्ने क्रम सुरु भएको छ।

_x000D_ _x000D_

मनसुनी वायु बाहिरिएसँगै न्यूनतम र अधिकतम तापक्रम घट्दै गएपछि चिसो बढ्ने क्रम सुरु भएको मौसम पूर्वानुमान महाशाखाका वरिष्ठ मौसमविद् राजु प्रधानाङ्गले जानकारी दिए। यो समयमा पश्चिमी चिसो वायुको प्रभाव कायम रहन्छ।

_x000D_ _x000D_

आइतबार दिउँसो मुलुकको पूर्वी र मध्य पहाडी क्षेत्रमा मौसम आंशिक बदली भई एक÷दुई स्थानमा हल्का वर्षा हुने सम्भावना देखिएको महाशाखाले जनाएको छ। बाँकी भूभागमा मौसम सामान्यतया सफा रहनेछ।

_x000D_ _x000D_

आइतबार काठमाडौंको न्यूनतम तापक्रम १३ दशमलब ७ र अधिकतम २७ डिग्री सेल्सियस रहने महाशाखाको अनुमान छ।

_x000D_ _x000D_

सोमबार दिउँसो मुलुकको पूर्वी र मध्य पहाडी भू–भागमा आंशिक बदली रहने र बाँकी भू–भागमा मौसम सामान्यतया सफा रहने छ। सोमबार राति पूर्वी र पश्चिम भूभागमा आंशिक बदली रहने सम्भावना रहेको महाशाखाले जनाएको छ।

_x000D_ _x000D_

मङ्गलबार दिउँसो पूर्वी र मध्य पहाडी भूभागमा आंशिक बदली रहने र बाँकी भूभागमा मौसम सामान्यतया सफा रहने महाशाखाले जनाएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गृहमन्त्री लेखकले भने - म विरुद्ध नियोजित षड्यन्त्रपूर्ण आक्रमण भइरहेको छ

भिजिट भिसा प्रकरणबारे गगन – मन्त्री माथि नै छानबिन हुने अवस्था आयो भने राजीनामा दिनुपर्छ

सूचना टाँसेर प्रतिनिधिसभा बैठक स्थगित