सुर्खेत – पहिरो खस्दा कर्णाली राजमार्गको सुर्खेत–जुम्ला सडक अन्तर्गत कालिकोटको गगने खोलामा सडक अवरुद्ध भएको छ ।आइतबार बेलुकीदेखिको वर्षाले गगने खोलामा गएको पहिरोका कारण आज बिहानदेखि कर्णाली राजमार्ग अवरुद्ध भएको कालीकोट प्रहरी प्रमुख डिएसपी टेक बहादुर रावतले बताए ।
रातिदेखि अत्यधिक वर्षा भएकोले गगने खोलामा पहिरो खसेको कारण सवारी सञ्चालनमा कठिनाई भएको डिएसपी रावतको भनाई छ । पहिरो पन्छाउन कर्णाली करिडोर सुरु हुने खुलालु जिरो पोइन्टमा खसेका ढुङ्गा पन्छाएर जेसीभी गगने खोलाको पहिरो हटाउन पठाइएको उनले बताए । सडक अवरुद्ध हुँदा कालिकोट, जुम्ला मुगु, बाजुरा, हुम्लाबाट सुर्खेत जाने र त्यताबाट माथितिर आउने गाडीहरु बिचबाटोमै रोकिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786437116.jpg)
-1786513116.png)
