काठमाडौं – लियोनल मेसीको गोलमा इन्टर मियामीले फिफा क्लब विश्वकप फुटबलमा पहिलो जित हात पारेको छ । बिहीबार राति भएको समूह ‘ए’को खेलमा मियामीले एफसी पोर्टोलाई २–१ ले हराएको हो ।
खेलको आठौँ मिनेटमा सामु आघेहावाको गोलमा पोर्टोले अग्रता लिएको थियो । सुरुवाती अग्रतालाई दोस्रो हाफमा तोड्दै मियामी विजयी भएको हो ।
टेलास्को सेभागियोले इन्टरका लागि दोस्रो हाफको सुरुवातमा नै गोल गरेका थिए । ५४ औँ मिनेटमा मेसीले निर्णायक गोल गरेका हुन् ।
मंगलबार मियामीले समूह चरणको अन्तिम खेलमा पल्मेराइससँग खेल्ने छ । समूह ‘ए’मा पल्मेराइस चार अङ्कसहित शीर्ष स्थानमा छ भने मियामी पनि चार अङ्कसहित दोस्रो स्थानमा छ । बिहीबार भएको खेलमा पल्मेराइसले अल एहलीलाई २–० ले हराएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750402210.png)
-1749826086.png)
