काठमाडौँ– नेपाली काँग्रेसका सांसद डाक्टर प्रकाशशरण महतले राष्ट्रिय स्वतन्त्र पार्टीका सांसदहरूले बजेट छलफलमा सहभागी नभएर जनतालाई गुमराहमा राखेको बताएका छन्।
आइतवार प्रतिनिधिसभा बैठकमा राजस्व र व्ययको वार्षिक अनुमानमाथिको सैद्धान्तिक छलफलमा भाग लिँदै सांसद डा. महतले बजेट वर्षमा एकपटक आउने र बजेटको तमाम विषय चिरफार गर्नुपर्ने समयमा तथ्यहीन कुरामा आन्दोलन गर्नु गलत भएको बताएका हुन्।
उनले कुनै पनि आधार नभएको विषयलाई लिएर छलफलमा भाग नलिनु जनप्रतिनिधिको हैसियतले जनतालाई गुमराहमा राख्नु भएको आरोप लगाए। विरोधका बीच पनि प्रमुख प्रतिपक्षी दलले सक्रिय सहभागिता जनाउनु खुसीको विषय भएको बताउँदै उनले मुलुकको वित्त व्यवस्थापनका कुरा बजेटले बोल्ने भएकाले तथ्यहीन विषयमा आन्दोलन गरिरहनुको कुनै औचित्य नभएको टिप्पणी गरे।
महतले भने, ‘महत्वपूर्ण विषयमा छलफलमा भाग नलिएर जुन विषय रास्वपाका साथीहरूले उठाउनु हुँदै छ‚ त्यसमा कुनै आधार छैन। कुनैपनि आधार नभएको विषयलाई लिएर यो छलफललाई अवरोध गर्नु, छलफलमा भाग नलिनु जनप्रतिनिधिको हैसियतले जनतालाई गुमराहमा राख्नु हो भन्ने मलाई लाग्छ।’
उनले परिणाममुखी बजेटको आवश्यकतालाई ध्यान दिँदै अर्थमन्त्रीले आर्थिक वर्ष २०८२।८३ को बजेटलाई परिणाममुखी बनाउने कोसिस गरेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789732040.png)
-1786602170.png)
-1789631269.jpg)
