काठमाडौं– पूर्व प्रहरी प्रमुख अच्युतकृष्ण खरेलले राजनीतिकरणले नै प्रहरी संगठनलाई 'प्यारालाइज्ड' गराएको बताएका छन्।
_x000D_
_x000D_
'हिजोभन्दा अहिले व्यावसायिक ज्ञान र सिपले आजका अधिकारीहरु राम्रा छन्, सक्षम छन्। तर काम गर्ने वातावरण दिनुपर्छ', खरेलले भने, 'जसरी राजनीतिककरण भएको छ। त्यसले प्यारालाइज गरेको मैले अनुभूत गरेको छु।'
_x000D_
_x000D_
खरेलको आत्मकथा सार्वजनिक कार्यक्रममा राजनीतिक विश्लेषक हरि शर्मासँगको अन्तर्क्रियामा खरेलले पहिले ठूलाठूला ठूल्ठूला घटनाहरु भए पनि प्रहरीले सफलतापूर्वक अनुसन्धान गरेको स्मरण गर्दै भने– 'पहिले काम गर्ने स्टाइल नै फरक थियो।'
_x000D_
_x000D_
'आइजिपीलाई भन्नुपर्छ– तँ यो काम गर्। त्यो नगरे कारबाही भोग्न तयार हुनुपर्छ। त्यो च्यालेन्ज स्वीकार गर्छ प्रहरी संगठन अहिले', उनले भने, 'तर, तेरो र मेरो, प्रोफेसनल मानिसको स्थान सुरक्षित गरिदिनुपर्छ राज्यले।'
_x000D_
_x000D_
कार्यक्रममा बोलेका पूर्वराष्ट्रपति रामवरण यादवले संवैधाननिक अंगहरुमा हमेशा आक्रमण भइरहेको भन्दै गुनासो पोखे। पञ्चायतको विकृति बहुदलमा पनि भित्रिएको र बहुदलको विकृति गणतन्त्रको समयमा पनि भित्रिएको भन्दै यादवले आफ्नो भोगाइबाट सिक्न जरुरी रहेको बताए।
_x000D_
_x000D_
'राजनीतिमा लागेको मानिससँग प्रहरी, प्रशासक र निर्वाचन आयोगसँग नजिकको सम्बन्ध हुँदोरहेछ। र, राजनीतिक मान्छेले मिसयुज गर्छ। र स्थायी संस्थाहरु पनि मिसयुज हुन्छ', पूर्व राष्ट्रपति यादवले भने।
_x000D_
_x000D_
खरेलले आफ्नो पेशागत जीवनमा महत्त्वपूर्ण घटनाहरु भएको र ती घटनाहरुमा सरिक पनि भएकाले त्यसलाई लेख्न आवश्यक ठानेर पुस्तक लेखेको बताए। उनले घटनाहरुका मोटा कुरा मात्रै बाहिर आउने गरेकाले सुक्ष्म कुरा पनि बाहिर आओस् भनेर पुस्तक लेखेको बताए। 'आफू संलग्न घटनाहरुलाई गलत ढंगले प्रस्तुत नहोस् भनेर पुस्तक लेखें', खरेलले भने, 'पुस्तक लेखेपछि हल्का महसुस भएको छ।'
_x000D_
_x000D_
पुस्तक 'पब्लिकेशन नेपालय'ले प्रकाशित गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
