काठमाडौँ– सेयर कारोबार मापक नेप्से परिसूचक बुधबार १३.६९ अंकले घटेर बन्द भएको छ।
अघिल्लो दिनको तुलनामा ०.५१ प्रतिशतले घट्दा समग्र नेप्से २ हजार ६ सय ६४.४७ विन्दुमा ओर्लेर बन्द भएको हो।
सोमबार र मंगलबार लगातार दोहोरो अंकले बढेको नेप्से बुधबार दोहोरो अंकले घटेको हो।
उक्त दिन कारोबारमा आएका मध्ये ७७ कम्पनीको सेयर मूल्य बढेको, १७० वटाको घटेको तथा १ कम्पनीको स्थिर रहेको थियो।
८१ हजार ७ सय ३ पटकको सेयर कारोबारमा २ करोड २० लाख ७५ हजार ७६९ कित्ता सेयर किनबेच भएको थियो। ती किनबेचमा ९ अर्ब ९० करोड ७० लाख रुपैयाँ बराबरको कारोबार भएको जनाइएको छ। अघिल्लो दिनको तुलनामा कारोबार रकम पनि घटेको हो। मंगलबार सेयर बजारमा १० अर्ब १६ करोड रुपैयाँ बराबरको कारोबार भएको थियो।
बुधबार कारोबारमा आएका १३ उपसमूहमध्ये जलविद्युत् बाहेक सबैको परिसूचक घटेको थियो। सो दिन जलविद्युत् उपसमूहको परिसूचक ४०.८४ अंकले बढेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749627050.jpg)
-1749627522.jpg)
