एजेन्सी –अमेरिकी राष्ट्रपति डोनाल्ड ट्रम्प र अर्बपति एलोन मस्कबिचको विवादका बिच बिहीबार टेस्ला कम्पनीको शेयरमा तीव्र गिरावट देखिएको छ ।
बिहीबार मस्कको कम्पनीको शेयर १४ प्रतिशतले घट्यो, जसले गर्दा कम्पनीको मूल्य लगभग १५० अर्ब डलरले घट्यो । विज्ञहरूका अनुसार यो टेस्लाको लागि पछिल्ला केही महिनामा सबैभन्दा खराब दिन थियो । ट्रम्प सरकारसँगको मस्कको द्वन्द्व बढ्यो भने उनले ठुलो क्षति बेहोर्नुपर्ने हुन सक्ने यसले संकेत गरिरहेको छ ।
मस्क ट्रम्प प्रशासनसँग भिडिरहेका छन् जुन सरकार आफ्ना विरोधीहरू विरुद्ध कारबाही गर्न परिचित छ । मस्कबीचको विवाद बढ्दै जाँदा ट्रम्पले स्पेसएक्स जस्ता मस्कका कम्पनीहरूलाई दिइएको सरकारी ठेक्काहरू समाप्त गर्ने धम्की दिएका छन् ।
यसको जवाफमा मस्कले ‘तिमीलाई जे मन लाग्छ गर, मलाई वास्ता छैन’ भनेका छन् । ट्रम्प र मस्कबिचको मतभेद यसरी पहिलो पटक सामाजिक सञ्जालमा बाहिर आएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
