काठमाडौं– अयोग्य पूर्व लडाकु लेनिन विष्ट प्रकरणमा गृहमन्त्री रामबहादुर थापाले सर्वाेच्च अदालतमा ‘गृहको जानकारी बिना जान लागेपछि रोकिएको’ जवाफ दिएका छन्। अवहेलना मुद्दामा जवाफ दिँदै गृहमन्त्री थापाले सशस्त्र द्धन्द्ध, द्धन्द्धत्तोर शान्ति र राहतजस्ता संवेदनशील विषयमा जान लागेको तर कुनै पनि जानकारी गृह मन्त्रालयलाई नभएकाले सोधपुछ गर्न बोलाइएको बताएका हुन्।
_x000D_
_x000D_
गत भदौ ८ गते एक कार्यक्रममा भाग लिन थाइल्यान्ड जान लागेका अयोग्य पूर्व लडाकु विष्टलाई त्रिभुवन अन्तर्राष्ट्रिय विमानस्थलबाट फर्काइएको थियो। विमानस्थलबाट फर्काइएपछि सरकारको कदमविरुद्ध विष्टले सर्वोच्च अदालतमा भदौ १५ गते रिट दायर गरेका थिए।
_x000D_
_x000D_
मन्त्री थापाले आफूविरुद्ध दायर भएको निवेदन खारेज हुनुपर्ने भन्दै अध्यागमनलाई जोकसैमाथि शंका लागेमा वा कागजात अवैध भएमा अनुसन्धान गर्नसक्ने कानुनी व्यवस्था भएकाले उनलाई अनुमति नदिएको जवाफ दिएका छन्। सर्वोच्चमा थापाले मौलिक हक, नागरिकलाई प्राप्त अधिकार र अन्य अन्तर्राष्ट्रिय अनुबन्ध विपरित कुनै पनि कार्य नगरेको जिकिर गरेका छन्।
_x000D_
_x000D_
विष्टले गृहमन्त्री, गृह मन्त्रालय तथा अध्यागमन लगायतलाई विपक्षी बनाउँदै रिट निवेदन दायर गरेका थिए।
_x000D_
_x000D_
उनको रिटमा सर्वोच्चले सरकारसामु कारण देखाउ आदेश जारी गर्दै विष्टलाई फर्काउनुको कारण खुलाउन आदेश जारी गरेको थियो।
_x000D_
_x000D_
प्रधानमन्त्री केपी शर्मा ओलीले पनि लेनिनलाई विमानस्थलबाट फिर्ता गरिएको बारे गृह मन्त्रालयसँग जवाफ मागेका थिए।
_x000D_
_x000D_
पूर्व बाल लडाकुहरुकै उजुरीका आधारमा विष्टलाई रोकिएको गृहमन्त्रीले प्रधानमन्त्रीलाई जवाफ दिएका थिए। मन्त्री थापाले विष्टले पूर्व बाल लडाकु संगठनको पैसा हिनामिना गरेको तथा अरुको नाममा आएको पत्रमा सधैं आफू विदेश जाने गरेको भनेर मन्त्रालयमै आएर पूर्व बाल लडाकूहरुले निवेदन दिएपछि रोकिएको जवाफ सर्वाेच्चमा पनि पेस गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
