काठमाडौं– नक्कली आरोहण अनुमतिपत्र बनाएर हिमाल आरोहण गर्न पठाउने ३ जनालाई प्रहरीको केन्द्रीय अनुसन्धान व्यूरो (सिआइबी)ले पक्राउ गरेको छ।
_x000D_
_x000D_
सिआइबीले नक्कली आरोहण अनुमतिपत्र बनाएको आरोपमा सेभन समिट ट्रेक्स प्रालिका ३ कर्मचारीलाई पक्राउ गरेको हो।
_x000D_
_x000D_
पक्राउ पर्नेमा सेभन समिटका लिगल डिपार्ट हेड निभेश कार्की, मार्केटिङ म्यानेजर फुर्तिङ शेर्पा र लेखापाल विजयश्वर अर्याल छन्। उनीहरु मिलेर गत चैत ३० गते सगरमाथा आरोहण गर्न तयार भएको ‘१४ पिक एक्पेरियन्स एभरेष्ट एक्सपेटेसन २०१८’ नामको आरोहण दलको नक्कली आरोहणपत्र बनाएका थिए।
_x000D_
_x000D_
उनीहरुले पर्यटन विभागबाट आरोहणको सक्कली अनुमति पत्र लिएका थिए। उक्त सक्कली अनुमति पत्रमा १२ जनाको नाम थियो। पछि त्यसलाई सच्याएर उनीहरुले १ जना चिनियाँ र १ जना अष्ट्रेलियन नागरिकको नाम थप गरी १४ जानको सूची तयार पारेको सिआइबीले जनाएको छ।
_x000D_
_x000D_
उक्त कीर्ते आरोहण अनुमति पत्र ‘सेभन समिट’को नामबाट सगरमाथा प्रदुषण नियन्त्रण समितिमा पेस भएको थियो। पर्यटन विभागले पनि समिटको नाममा भएको ‘१४ पिक एक्पेरियन्स एभरेष्ट एक्सपेटेसन २०१८’ नामको आरोहण दलको अनुमति पत्रको फोटोकपी प्रदुषण नियन्त्रण समितिलाई बुझाएको थियो।
_x000D_
_x000D_
एकै दलको, एकै मितिको र एकै परमिटको पत्रमा १२ जना र १४ जनाको नाम भेटिएपछि अनुसन्धान सुरु भएको थियो। अन्ततः समिटले कीर्ते गरेको ठहर गरेपछि सिआइबीले उनीहरुलाई पक्राउ गरेको हो।
_x000D_
_x000D_
उनीहरुले थप गरिएका २ जनाको निःशुल्क परमिट निकाल्ने र उनीहरुबाट २२ हजार डलर लिएर ३ जनाले बाँडेको प्रहरीले जनाएको छ। जसका लागि निभेशले पर्यटन विभागबाट छाप लगाएको सक्कली लेटर प्याड ल्याएको र परमिट बनाउने जिम्मा लिएको, विजेश्वरले लेखा मिलाउने र फुर्तेन्जीले अफिसमा राखिएका कागजात चाहिएको ठाउँमा पुर्याउने गरेको अनुसन्धानबाट खुलेको छ।
_x000D_
_x000D_
उनीहरुमाथि सरकारी दस्तखत, छाप कीर्तेमाथि अनुसन्धान सुरु गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-ink-1735720380-1735720728.jpeg)
