खसी, बोका र च्यांग्रामा कर नलगाउन स्थानीय तहलाई निर्देशन

नेपाल लाइभ

नेपाल लाइभ बिहीबार, असोज १८, २०७५ १२:२५

काठमाडौं– संघीय मामिला तथा सामान्य प्रशासन मन्त्रालयले ७ सय ५३ वटै स्थानीय तहलाई खसी, बोकामा व्यवसायीसँग कर नउठाउन निर्देशन दिएको छ।

_x000D_ _x000D_

दसैं नजिकिदै जादाँ विभिन्न जिल्लाबाट व्यवसायीले खरिद बिक्री गर्दै काठमाडौं तथा अन्य शहरमा लैजाने क्रममा स्थानीय सरकारले कर संकलन गरिरहेको भन्ने सूचनाको आधारमा मन्त्रालयले कर संकलनमा रोक लगाएको हो।

_x000D_ _x000D_

मन्त्रालयको सचिवस्तरबाट असोज १४ मा निर्णय भएपनि आज मात्रै मन्त्रालयले सबै स्थानीय तहलाई कर संकलन नगर्ने भन्दै परिपत्र गरेको छ।

_x000D_ _x000D_

खसी, बोका काठमाडौं ल्याउँदै गरेका व्यवसायीसँग चन्द्रागिरी नगरपालिकाले कर उठाएको आरोपसहितको निवेदन गत साउन ३० गते चौपाया खरिद–बिक्री सेवा संघले संघीय मामिला तथा सामान्य प्रशासन मन्त्रालयमा दिएको थियो।

_x000D_ _x000D_

स्थानीय सरकार सञ्चालन ऐन २०७४ को दफा ६१ मा ‘जीवजन्तु र चौपायाको व्यापार व्यवसाय गर्ने व्यवसायीबाट व्यवसाय कर वा हाटबजारमा खरिद–बिक्री भएको अवस्थामा बाहेक अन्य कुनै किसिमको कर, शुल्क आदि उठाउन नमिल्ने’ व्यवस्था छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय