काठमाडौं– सरकारले काठमाडौंको गौशालास्थित दुई वटा मिठाइ पसलमा पनि शिलबन्दी गरेको छ।
_x000D_
_x000D_
खाद्य प्रविधि तथा गुण नियन्त्रण विभागको अनुगमन टोलीले बिहीबार मानव स्वास्थ्यमा गम्भीर असर पार्ने खालका अखाद्य वस्तु मिसावट भएको पाइएपछि गौशालास्थित व्यञ्जन मिठाइ पसल र अन्नपूर्ण मिठाइ पसलमा शिलबन्दी गरिएको हो।
_x000D_
_x000D_
झिंगा, साङलाजस्ता मानव स्वास्थ्यमा गम्भीर नोक्सान पुर्याउने खालका किराफट्यांग्राहरुको समेत मिसावट भएको पाइएपछि दुवै मिठाइ पसलमा शिलबन्दी गर्नु परेको विभागका खाद्य अनुसन्धान अधिकृत इश्वर सुवेदीले जानकारी दिए।
_x000D_
_x000D_
विभागले यसअघि नयाँ बानेश्वरस्थित संगम मिठाइ पसलमा पनि अखाद्य वस्तु मिसावट भएको पाइएपछि शिलबन्दी गरेको थियो। खाद्य अनुसन्धान अधिकृत सुवेदीले मानव स्वास्थ्यमा गम्भीर असर पार्ने खालका अखाद्य वस्तु मिसावट गरी उत्पादन गर्ने तथा बिक्री वितरण गर्ने केन्द्रमा शिलबन्दी गरी कडा कारबाही गर्ने चेतावनी पनि दिए।
_x000D_
_x000D_
_x000D_
_x000D_
विभागले अनुगमनको क्रममा दुवै मिठाइ पसलबाट साङला, झिंगा लगायत मिसिएको करिब १ सय २० केजी मिठाइसहितको खाद्य पदार्थ नष्ट पनि गरेको छ। दुवै पसललाई खाद्य ऐनअन्तर्गत कारबाही हुने पनि विभागले स्पष्ट पारेको छ। खाद्य ऐन अनुसार गुणस्तरहीन खाद्य वस्तु उत्पादन, बिक्री वितरण गर्नेमाथि कम्तिमा ५० हजार रुपैयाँ जरिवाना र ५ वर्ष कैद सजायको व्यवस्था गरिएको छ।
_x000D_
_x000D_
सरकारले दसैं, तिहारको अवसर पारेर उपभोक्ताको स्वास्थ्यमा प्रतिकूल असर पर्न नदिन काठमाडौंलगायत देशभरका मुख्यमुख्य सहरमा अनुगमनको कामलाई तीव्रता दिएको हो।
_x000D_
_x000D_
उपभोक्ताको स्वास्थ्यमा प्रतिकूल हुने गरी अखाद्य वस्तु मिसाएको पाइएमा त्यस्ता वस्तु उत्पादन केन्द्रमाथि कडा कारबाही हुने पनि विभागका अनुसन्धान अधिकृत सुवेदीले चेतावनी दिए। विभागले यस वर्ष अनुगमनको क्रममा उत्पादन केन्द्रको भौतिक अवस्था, कानुनी पक्ष र त्यसमा प्रयोग गर्ने प्रविधिमाथि पनि कडा निगरानी राखेको बताएको छ।
_x000D_
_x000D_
सरकारले खाद्य स्वच्छता अभियानअन्तर्गत बजार अनुगमनको कामलाई निरन्तरता दिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-ink-1735720380-1735720728.jpeg)
