काठमाडौं- अधिकांश सवारी बिक्रेता कम्पनीले दसैं, तिहार तथा छठ पर्वलक्षित बिक्री योजना सार्वजनिक गरिसकेका छन् भने केही कम्पनी यसको तयारीमा रहेका छन्। वर्षभर बिक्री हुने गाडीको ४० प्रतिशत भन्दा बढी परिणाममा गाडी बिक्री हुने अवधि भदौ, असोज र कात्तिक महिनामा पर्छ।
_x000D__x000D_
त्यसमा पनि नेपाली बजारमा इन्ट्री लेवलका कारमा ग्राहकको आकर्षण बढी छ। शहरीकरणका कारण सवारी साधन अत्यावश्यक पनि बन्न थालिसकेको छ। कतिपय ग्राहक त सवारी खरिद गर्न यही मौका पर्खेर बसेका हुन्छन्। नेपाली बजारमा १५ लाख रुपैयाका इन्ट्री लेभलका कारदेखि करोडौं रुपैयाँका प्रिमियम एसयुभी सवारी खरिदबिक्री हुने गरेको छ। सवारी बिक्रेताले पनि दसै, तिहारलक्षित गर्दै नगद छुट, बीमा, स्क्र्याच कार्ड जस्ता आकर्षक बिक्री अफर ल्याएका छन्।
_x000D__x000D_
हुन्डाई
_x000D_हुन्डाईको लागि नेपालको आधिकारिक बिक्रेता लक्ष्मी इन्टरकन्टिनेन्टल हो। नेपालमा हुन्डाई बढी बिक्री हुन कारको सूचीमा पर्छ। नेपाली बजारमा हुन्डाईका इन्ट्री लेभलदेखि प्रिमियम एसयूभी गाडी खरिदबिक्री हुने गरेको छ। १८ लाख ९६ हजार रुपैयाँदेखि एक करोड २३ लाख रुपैयाँसम्मका गाडी हुन्डाइले नेपाली बजारमा बिक्री गर्दै आएको छ।
_x000D__x000D_
_x000D__x000D_
विगतका वर्षजस्तै यसपटक पनि हुन्डाइले दसैं, तिहार अफर सार्वजनिक गरिसकेको छ। कम्पनीले नियमित दिँदै आएको एक लाख २० हजार नगद छुटसहित अहिले थप २५ हजारदेखि एक लाख रुपैयाँसम्मको स्क्र्याच कार्ड, लक्की ड्रमार्फत् एक सय जनालाई १० ग्राम सुन, एक जनालाई क्रेटा कार र एक जनालाई एक्टिभ कारसमेत प्रदान गर्ने योजना ल्याएको छ।
_x000D__x000D_
यसैगरी, एक वर्षसम्मको पूर्ण बीमा, एक वर्षको सडक कर, चार वर्षसम्म फ्रि सर्भिस र तीन वर्षसम्म इन्जिनको वारेन्टी अफर पनि ल्याएको छ।
_x000D__x000D_
सुजुकी
_x000D_मारुती सुजुकी गाडीका लागि नेपालको आधिकारिक बिक्रेता सीजी मोटोकर्प हो। भारतमा उत्पादन हुने सुजुकी गाडी नेपालमा लोकप्रिय ब्रान्ड हो। नेपालमा सुजुकीको १० लाख ८० हजार रुपैयाँदेखि ४२ लाख २९ हजार रुपैयाँसम्मका इन्ट्री लेवल गाडी बिक्री हुँदै आउका छन्।
_x000D__x000D_
_x000D__x000D_
यसैगरी, कम्पनीले कम्प्याक्ट एसयुभी गाडीसम्म बिक्री गर्ने गरेको छ। दसैं, तिहारलक्षित गरी न्यूनतम ४५ हजारदेखि २ लाख रुपैयाँसम्म नगद छुट र स्क्र्याच कार्डमा पनि १० हजारदेखि एक लाख रुपैयाँसम्म पाउने सक्ने अफर सार्वजनिक गरेको छ।
_x000D__x000D_
पुराना गाडी एक्स्चेन्जमा पनि थप एक लाखसम्म नगद पुरस्कार पाउन सक्ने आकर्षक अफर सार्वजनिक गरेको छ। एक वर्षको सडक कर, ४ देखि ८ पटकसम्मको फ्रि सर्भिस, ४ वर्षसम्म इन्जिनको वारेन्टी जस्ता अफर कम्पनीले ल्याएको छ।
_x000D__x000D_
टाटा
_x000D_नेपालका लागि टाटाको आधिकारिक बिक्रेता सिप्रदी टे«डिङ प्राली हो। टाटा पनि नेपालीको रोजाइमा परेको ब्रान्ड हो। टाटाले पनि दसैं, तिहार अफर योजना सार्वजनिक गरिसकेको छ।
_x000D__x000D_
_x000D__x000D_
गाडी खरीदमा मोडल हेरेर ‘आइफोन एक्स’ देखि विभिन्न अफर सार्वजनिक गरेको कम्पनीले एक लाख रुपैयाँदेखि २ लाख रुपैयाँसम्म नगद छुट योजना ल्याइएको छ। एक वर्षको बीमा, एक वर्षको सडक कर, २५ हजार रुपैयाँ बराबरको एक्सेसरिज, ४ वर्षसम्मको वारेन्टी र ४ पटकसम्मको फ्रि सर्भिस अफर टाटाले ल्याएको छ।
_x000D_
_x000D_रेनो
_x000D_रेनो गाडीका लागि आधिकारिक बिक्रेता एडभान्स अटो मोबाइल्स प्रालि हो। रेनोको गाडी खरिदमा दसैं तिहार अफर सार्वजनिक गरिसकेको छ।
_x000D__x000D_
_x000D__x000D_
कम्पनीले गाडी खरिदमा नगद छुट, एक वर्षको बीमा, एक वर्षको सडक कर र एक्स्चेन्ज सुविधा अफर ल्याएको छ। नेपालमा रेनोका डस्टर, क्विड र क्याप्चर लोकप्रिय छन्।
_x000D__x000D_
फक्सवागन
_x000D_जर्मन कार फक्सवागनको नेपालको लागि आधिकारिक बिक्रेता पूजा इन्टरनेशनल प्रालि हो। नेपाली बजारमा १ हजार सीसीदेखि २ हजार सीसीसम्मको कार फक्सावगनले उपलब्ध गराउँदै आएको छ। कम्पनीले दसैं, तिहारलक्षित नगद छुट अफरमा विशेष प्राथमिकता दिएको छ।
_x000D__x000D_
_x000D__x000D_
कम्पनीका मार्केटिङ म्यानेजर विराज श्रेष्ठका अनुसार दसैंलक्षित पोलो हजार सीसीको २६ लाख ९५ पर्ने गाडी नगद छुटसहित २५ लाख ५० हजारमा बिक्री गर्ने छ। यसैगरी, कम्पनीले कम्फर्ट गाडीको मूल्यमा २९ लाख ८५ हजारबाट नगद छुटसहित २७ लाख ९० हजार रुपैयाँमा बिक्री गर्ने बताएको छ।
_x000D__x000D_
नेपालमा कम्पनीका कार्बन स्टिल कलरका गाडी ग्राहकले बढी मन पराइरहेका छन्। कम्पानीले गाडी खरिदमा एक वर्षको सडक कर तिर्ने गरेको छ। साथै ७ हजार ५ सय किलोमिटर गुडेपछि एकपटक फ्रि–चेकअपको व्यवस्था पनि गरेको छ। कम्पानीेको पोलो, भेन्टो, टिगुवान, जेट्टा र एमरक गाडीहरु सबै तीन भेरियन्टमा उपलब्ध छन् ।
_x000D_डाट्सन
_x000D_डाडसन गाडीका लागि नेपालको आधिकारिक बिक्रेता पायोनियर प्रालि हो। नेपालमा डाडसनको गो, रेडी गो र गो प्लस गरी तीन मोडलका कार पाइन्छन्। सबै कार इन्ट्री लेभलकै हुन्। डाट्सनले दसैं, तिहारलक्षित नगद एक लाख ४० हजारदेखि २ लाख रुपैयाँसम्मको अफर योजना ल्याएको छ। नगद अफर योजना भने गाडी अनुसार फरक पर्नेछ।
_x000D__x000D_
_x000D__x000D_
नेपालमा डाडसनका कार १४ लाखदेखि २७ लाख ५० हजार रुपैयाँसम्ममा उपलब्ध छन्। कम्पनीले दसैलक्षित एक वर्षको बीमा, एक वर्षको सडक कर, तीन वर्षसम्म फ्रि सर्भिस र तीन वर्षसम्मको वारेन्टी अफर ल्याएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
-1730178938.png)
