काठमाडौं – नेपाली कांग्रेसका नेता एवं पूर्वस्वास्थ्य राज्यमन्त्री तीर्थराम डङ्गोलको निधन भएको छ । लामो समयदेखि प्रोष्टेट क्यान्सर र मिर्गौलाको उपचार गराइरहेका थिए । सिनामङ्गलस्थित केएमसी अस्पतालमा गएराति उनको निधन भएको पारिवारिक स्रोतले जानकारी दिएको छ ।
२००४ सालमा काठमाडौंमा जन्मिएका ७७ वर्षीय डंगोल कांग्रेस काठमाडौंको कोषाध्यक्ष र जिल्ला सभापति तथा काठमाडौं महानगरपालिकाको उपप्रमुख पनि भएका थिए । नेपाली राजनीतिमा जुझारू नेताका परिचय बनाएका डङ्गोल २०६२–६३ को जनआन्दोलनमा काठमाडौँमा कमाण्डरका रूपमा खटिनएका थिए ।
उनको पार्थिव शरीर श्रद्धाञ्जलीका लागि पार्टी केन्द्रीय कार्यालयमा बिहान ११ देखि दिउँसो १ बजेसम्म राखिने र त्यसपछि आजै टेकू दोभानमा अन्त्येष्टि गरिने पूर्वमन्त्री भीमसेनदास प्रधानले जानकारी दिए । डङ्गोलकी श्रीमती छिन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
