बालक अपहरण : प्रत्यक्षदर्शी भन्छन्– मास्कधारीले गाडीमा काेचेर बाैद्धतर्फ लगे

नेपाल लाइभ

नेपाल लाइभ बुधबार, असोज १७, २०७५ १०:४०

काठमाडौं- दिउँसो साढे २ बजे प्रहरीलाई सूचना आयो- ‘गोठाटारबाट एक बालक अपहरणमा परे, तत्काल उद्धार गर्नुपर्‍यो।’

_x000D_ _x000D_

प्रहरीको १०० नम्बरमा आएको उक्त सूचना तत्कालै महानगरीय प्रहरी परिसर काठमाडौं र महानगरीय प्रहरी अपराध महाशाखा पुग्यो।

_x000D_ _x000D_

बालक अपरहणमा परेको खबर आउनासाथ महाशाखा र परिसरको टोली घटनास्थल खटिएको छ। अहिलेसम्म बालकलाई फेला पार्न सकिएको छैन। बालक अन्दाजी ७/८ वर्षको भएको बताइएको भए पनि अन्य कुरा खुल्न नसकेको अपराध महाशाखाका डिएसपी रुगम कुँवरले जानकारी दिए।

_x000D_ _x000D_

गोठाटारको तेज विनायक स्कुल नजिकबाट बालक अपहरणमा परेको सूचना प्रहरीले पाएको थियो। सूचना पाएको ३ घन्टा बितिसकेको छ। अहिलेसम्म बालक पनि फेला परेका छैनन्। बालकका परिवार पनि सम्पर्कमा नआएकाले उनी को हुन् भन्ने खुल्न सकेको छैन।

_x000D_ _x000D_

पीडित फेला नपरेकाले अपहरण हुन नसक्ने सम्भावना पनि रहेको डिएसपी कुँवरले बताए। यद्यपि प्रहरीले खोजी गरिरहेको छ।

_x000D_ _x000D_

यसरी पुग्यो प्रहरीसम्म खबर
_x000D_ साढे २ बजे तेज विनायक स्कुल अगाडिको सडकमा हिँडिरहेका थिए, एक बालक। डिएसपी कुँवरका अनुसार मास्क लगाएका तीन जनाले ती बालकलाई जबरजस्ती खैरो रङको गाडीमा कोचे। बालक भने त्यसबेला चिच्याएका थिए।

_x000D_ _x000D_

परिचित व्यक्तिले गाडीमा हालेको भए बालक नकराउनुपर्ने र तीनै जनाले मास्क लगाउनुले पनि बच्चा अपहरणमा परेको स्थानीयले आशंका गर्दै प्रहरीलाई खबर गरेका हुन्।

_x000D_ _x000D_

स्थानीयले खबर गरेकाले कसको बच्चा हो? कहाँ पढ्ने हो भन्नेबारे अहिलेसम्म खुल्न नसकेको प्रहरीले जनाएको छ।

_x000D_ _x000D_

गाडीमा जबरजस्ती बच्चा कोचेपछि स्थानीय पनि कराउँदै घटनास्थलतर्फ गए। खैरो रङको गाडीमा बच्चा कोचेर तीन जानको समूह बौद्धतर्फ लागेको प्रहरीले जनाएको छ।

_x000D_ _x000D_

अपहरणकारीको खोजीका लागि नाकामा चेकिङ कडाइ गरी प्रहरीले अपरेसन सुरु गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय