प्रतिनिधिसभा निर्वाचनमा विद्रोही बनेका ठाकुर राजपामै फर्किए

राजनीति

नेपाल लाइभ बुधबार, असोज १७, २०७५ १०:०३

राजविराज– प्रतिनिधिसभा सदस्यको टिकट नपाएपछि राष्ट्रिय जनता पार्टीबाट विद्रोह गरी स्वतन्त्र उम्मेदवारी दिएका पार्टीका तत्कालीन सह-महासचिव जयप्रकाश ठाकुर पुनः राजपामै फिर्ता भएका छन्।

_x000D_ _x000D_

निर्वाचनमा विद्रोही बनेकालाई कारबाही गर्ने निर्णय पार्टीले फिर्ता लिएपछि आफैले सम्पर्क गरी ठाकुर पार्टीमा फर्किएको राजपा अध्यक्ष मण्डलका सदस्य राजेन्द्र महतोले बताए।

_x000D_ _x000D_

‘मधेसी जनताको भावना अनुसार गठबन्धन बनाउँदा सप्तरी–२ संघीय समाजवादी फोरम नेपालका अध्यक्ष उपेन्द्र यादवको भागमा पर्‍यो,’ महतोले भने, ‘त्यो निर्णयले आफूलाई अन्याय भएको महसुस गरेर उहाँले स्वतन्त्र उम्मेदवारी दिनुभयो। तर, अहिले घर फर्कनुभएको छ।’

_x000D_ _x000D_

राजपाले बुधबार राजविराजमा आयोजना गरेको पत्रकार सम्मेलनमा महतो र ठाकुर सँगै थिए। तर, ठाकुरले कुनै प्रतिक्रिया जनाएनन्।

_x000D_ _x000D_

ठाकुरको पदीय जिम्मेवारी के हुने भन्ने विषय भने खुलाइएको छैन। राजपाका सप्तरी जिल्ला अध्यक्ष सुनिल झाले पार्टीले सर्कुलर गरेपछि मात्र त्यसको जानकारी हुने बताए।

_x000D_ _x000D_

‘सह–अध्यक्ष चाहिँ पक्कै हो, त्योभन्दा माथिको जिम्मेवारी पनि हुन सक्छ,’ उनले भने, ‘अहिले बोल्नु हतार हुन्छ।'

_x000D_ _x000D_

गतवर्ष मंसिरमा सम्पन्न प्रतिनिधिसभाको निर्वाचनमा सप्तरीको संसदीय क्षेत्र नं २ बाट टिकट नपाएपछि ठाकुरले राजपा छोडेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय