वायु सेवा निगमका नेपालगञ्ज प्रमुखले दायर गरे नागरिक उड्डयन कार्यालयका निर्देशकविरुद्ध लुटपाट मुद्दा

नेपाल लाइभ

नेपाल लाइभ बुधबार, असोज १७, २०७५ ०५:२२

नेपालगन्ज– नेपाल वायु सेवा निगम नेपालगञ्जका प्रमुख मुक्तिराम पाण्डेले नेपाल नागरिक उड्डयन कार्यालय नेपालगञ्जका निर्देशक प्रतापबाबु तिवारीविरुद्ध मुद्दा दायर गरेका छन्।

_x000D_ _x000D_

निगमको भवन डोजर लगाएर भत्काइदिएको भन्दै पाण्डेले तिवारीविरुद्ध जिल्ला अदालत बाँकेमा लुटपाट मुद्दा दायर गरेका हुन्। उनले आफ्नो भवन भत्काउँदा भएको क्षतिपूर्ति भराइदिन समेत माग गरेका छन्।

_x000D_ _x000D_

‘डोजर लगाएर भवन भत्काउँदा निगमको २४ लाख ४१ हजार ४ सय ७६ रुपैयाँ नोक्सान भएको भएकोले उक्त रकम क्षतिपूर्तिवापत भराइपाउँ,’ निगमका प्रमुख पाण्डेले मागदावी गरेका छन्।

_x000D_ _x000D_

नागरिक उड्डयन कार्यालयका निर्देशक तिवारीले गत असार १९ गते राति नेपालगञ्ज विमानस्थल पसिरसरमा रहेको निगमको इन्जिनियरिङ युनिटको भवन डोजर लगाएर भत्काइदिएका थिए।

_x000D_ _x000D_

निगमले २०३५ सालमा निर्माण गरेको इन्जिनियरिङ युनिटको भवनमा रातिको समयमा डोजर लगाएर भत्काई निगमलाई हानि–नोक्सानी पुर्‍याएकाले क्षतिपूर्तिको माग गर्दै तिवारीमाथि लुटपाट मुद्दा दायर गरिएको निगमका नेपालगञ्जका प्रमुख पाण्डेले बताए।

_x000D_ _x000D_

उक्त इन्जिनियरिङ भवन हटाउन पटकपटक आग्रह गर्दा पनि निगमले नहटाएको जनाउँदै उड्डयन कार्यालयका निर्देशक तिबारीले डोजर लगाएर भत्काइदिएका थिए। नेपालगञ्ज विमानस्थल परिसरमा ३ कठ्ठा ३ धुरमा क्षेत्रफलमा २०३५ सालमा निर्माण भएको उक्त भवन हालसम्म निगमले भोगचलन गर्दै आएको थियो।

_x000D_ _x000D_

निगमका प्रमुख पाण्डेले पत्रकार सम्मेलन गरी निर्देशक तिवारीविरुद्ध कानुनी कारबाहीको प्रक्रिया अगाडि बढाउने बताएका थिए।

_x000D_ _x000D_

नागरिक उड्यन कार्यालयले भने विमानस्थलको स्तरोन्नति गरी यात्रु कक्ष र चमेनागृहको लागि नयाँ भवन बनाउनुपर्ने भएकोले निगमलाई पुरानो घर खाली गराइदिन बारम्बार आग्रह गर्दा पनि अटेर गरेकाले डोजर लगाएर भत्काएको बताउँदै आएको छ।

_x000D_ _x000D_

निगमको इन्जिनियरिङ भवन रहेको जग्गाको लालपूर्जा बनाउने प्रक्रिया चलिरहेकै बेला उड्यन कार्यालयका निर्देशक तिवारीले कानुन हातमा लिएर डोजर लगाएर भवन भत्काइदिएको निगमका प्रमुख पाण्डेले बताए।

_x000D_ _x000D_

निगम र उड्यन कार्यालय एउटै मन्त्रालयअन्र्तगतका दुईवटा सरकारी कार्यालय हुन्।
_x000D_

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राजावादीका गतिविधि जनविरोधी हुन् : शंकर पोखरेल

वडा कार्यालय बनाउन ललित तामाङद्वारा निः शुल्क जग्गादान

न्युजिल्यान्डका उपप्रधानमन्त्री पिटर्स नेपाल आउँदै